विपतमा रेडियो सबैभन्दा प्रभावकारी!

देश

गृहपृष्ठ
देश

विपतमा रेडियो सबैभन्दा प्रभावकारी!

ह्याप्पी टाइम्स 2076-12-29

सर्वेक्षणको नतिजाले विपद्का बेलामा सबैभन्दा प्रभावकारी र लोकप्रिय सञ्चार माध्यामकारुपमा स्थानीय रेडियो रहेको देखाएको छ । चाहे भुकम्पका बखत होस, वा बाढी पैह्रोका बखत होस, वा कोरोनाले देश पुरै ठप्प भएको बेला होस । अरु सबै ठप्प हुँदा पनि नागरिकलाई निरन्तर सूचना संप्रेषण गर्ने आफ्नो दायित्वबाट स्थानीय रेडियोहरु कहिल्यै पनि पछि परेका छैनन् । तर संकटको यस घडिमा रेडियोहरु पनि संकटबाट गुज्रिरहेका छन् भन्ने कुरा भने बिर्सनु हुँदैन । दैनिकरुपमा प्रशारण हुने विज्ञापनबाट उठेको पैसाबाट खर्च जोहो गर्ने रेडियोहरु उद्योग कलकारखाना, बजार सबै ठप्प हुँदा आर्थिक व्यवस्थापनको समस्याले निकै नै समस्यामा रहेका छन् । बजार, उद्योग कलकारखा, यातायात सबै बन्द हुँदा पनि रेडियो बन्द गर्नु मिल्दैन । किनकि विपद्का बेलामा नै हो रेडियो सबैभन्दा धेरै सक्रिय हुनुपर्ने, र भएका पनि छन् । सामान्य अवस्थामा भन्दा संकट र विपदका बेलामा रेडियोकर्मिहरु अझ धेरै जोखिम मोलेर धेरै मेहनत र परिश्रम गर्नुपर्ने बाध्यतामा हुन्छन् । तसर्थ व्यापार, व्यवसाय अन्य दैनिकि ठप्प हुँदा पनि रेडियो निरन्तररुपमा सञ्चालन भई रहेको छ । विश्वव्यापिरुपमा महामारीकारुपमा फैलिरहेको कोरोनासम्बन्धि सचेतनामुलक सन्देष, अन्तर्वार्ता, समाचार, कार्यक्रम निरन्तररुपम संप्रेषण गर्दै आईरहेका छन् । बन्दाबन्दिको यस अवस्थामा केन्द्र सरकार, प्रदेश सरकार र स्थानीय सरकारका कार्यक्रम, निर्देशन, सूचना, पूर्व सर्तकता तथा तयारी, प्रगति लगायतका विषय नै रेडियोका सामग्री हुन । सिंगो देश नै कोरोनाको आक्रमण विरुद्ध लडिरहेको यस सन्दर्भमा स्थानीय रेडियोहरु सूचना, सन्देष संप्रेषणको अग्र मोर्चामा रहेर प्रभावकारी भुमिका निर्वाह गरिरहेका छन् । भूमिकाका हिसावले अग्रमोर्चामा रहेर सूचना सन्देष संप्रेषण गर्ने रेडियो र रेडियोकर्मिहरु कतै आफै समस्यामा पो परेका छन् कि भनेर कसैले सोधेको छ कि छैन? अहिलेको बन्दाबन्दीले स्थानीय रेडियोको आर्थिक अवस्थालाई आगामि आषाढसम्म नराम्रोसँग प्रभाव पार्ने निश्चित छ । आम्दानी शुन्यप्राय र खर्च झन बढेको अवस्थाको असन्तुलित वित्तिय अवस्थाले गर्दा कतै विपद्का सूचना प्रशारक स्थानीय रेडियो बन्द हुने त होईनन्? स्थानीय रेडियोमा हाल देखिएको वित्तिय समस्या समाधानका उपाय के होलान? त्यसो त कुनै पनि क्षेत्र अछुतो रहेन, यद्यपी रेडियो क्षेत्र झन धेरै प्रभावित बनेको हो कि । खण्डन होईन समाधानको अपेक्षा सहित ।

भुमी चापागाईंको वालबाट साभार

प्रकाशित मिति: शनिबार, चैत २९, २०७६ १३:०४