नाटक मञ्चन गर्दै नवलपुरका विद्यार्थी

देवचुली

गृहपृष्ठ
देवचुली

नाटक मञ्चन गर्दै नवलपुरका विद्यार्थी

एलिना केसी 2078-09-30

देवचुली,

दोस्रो गण्डकी प्रदेश स्तरीय विद्यालय नाटक महोत्सवका लागि नवलपुरका विद्यार्थीहरुले नाटक मञ्चन गरेका छन् । शुक्रबार नवलपुर जिल्लाको कावासोती नगरपालिकाका तीन र देवचुली नगरपालिकाको एक गरि ४ विद्यालयका विद्यार्थीहरुले नाटक मञ्चन गरेका हुन् । पोखरा थिएटरको आयोजनामा माघ ११ गते देखि हुन गइरहेको नाटक महोत्सवमा गण्डकी प्रदेशका विभिन्न विद्यालयहरु छनोट भएका छन् । No description available. जस अन्तर्गत नवलपुर जिल्लाका ४ विद्यालय दोस्रो चरणमा छनोट भई आज निर्णायकहरुको उपस्थितीमा नाटक मञ्चन गरेका हुन् । महोत्सवका निर्णायक संयोजक कलाकार प्रकाश घिमिरे, प्रमिला तुलाचन, महोत्सवका क्रियटिभ डाइरेक्टर परिवर्तन र रंगकर्मी अञ्जु दाहालले नाटकको अवलोकन गरेका थिए । No description available.
कावासोतीमा रहेको कुमारी निजी शैक्षिक गुठी हसौरा, त्रिभुवन बाल मा.वि ढोकी, सरस्वती मा.वि गोछडा र देवचुलीको बरचुली मा.वि फारमका विद्यार्थीहरुले नाटक मञ्चन गरेका हुन् । कुमारी निजी शैक्षिक गुठीले (हराएको खुशी), त्रिभुवन बाल मा.वि ढोकी (जिम्मेवार को), सरस्वती मा.वि गोछडाले (असल बुहारी) बरचुली मा.विले (सक्षम छात्रा) विषयमा नाटक मञ्चन गरेका थिए । No description available.
उक्त नाटक मञ्चन अवलोकन कार्यक्रममा कावासोती नगरपालिकाका शिक्षा शाखा प्रमुख क्षेत्र बहादुर भण्डारी, जिल्ला संयोजक आदर्श सुशील, विभिन्न विद्यालयका शिक्षक लगायतको उपस्थिती रहेको थियो । नाटक मञ्चन अवलोकन पश्चात कावासोती नगरपालिकाका शिक्षा शाखा प्रमुख भण्डारीले बालबालिकाको सिर्जनात्मक प्रतिभा प्रस्फुटनका लागि नाटकले महत्वपूर्ण भूमिका खेलेको बताउनुभएको थियो । No description available.
यसैगरि निर्णायक संयोजक कलाकार प्रकाश घिमिरेले नवलपुरका विद्यार्थीहरु नाट्यकर्ममा जुझारु देखिएपनि नाटकको ज्ञान नहुँदा सिरियल र टेलिफिल्मबाट प्रेरित भएको बताउँदै उनीहरुलाई रंगमञ्चको ज्ञान दिन सके भविष्यमा नवलपुरमा नाटकको उज्जवल भविष्य रहेको बताउनुभयो । No description available.
अर्का निर्णायक सदस्य प्रमिला तुलाचनले नवलपुर जिल्लाका विद्यार्थी र विद्यालयको सक्रिय सहभागिता देखेर आँफू उत्साहित भएको बताउनुभयो ।
महोत्सवका क्रियटिभ डाइरेक्टर परिवर्तनले नवलपुरमा सडक नाटक भइरहेको सन्दर्भमा थिएटर नाटकको वातावरण सिर्जना गर्न सके प्रचुर सम्भावना रहेको बताउनुभयो । No description available.
नाटक महोत्सवका जिल्ला संयोजक आदर्श सुशीलले आँफूहरुले जिल्लामा नाटकको विकासका लागि पोखरा थिएटर सँगको समन्वयमा यो कार्यक्रम गरेपनि भावी दिनमा अन्य सरोकारवालाहरु सँग समन्वय गरि काम गर्ने बताउनुभयो ।
नाटक मञ्चन गरिसकेपछि चारवटै विद्यालयका विद्यार्थीहरु र विद्यालय संचालकहरु निर्णायक मण्डलको सुझाव र मार्गनिर्देशले औधी खुशी देखिन्थे । No description available.