देवचुलीमा ९० प्रतिशत वडास्तरीय योजना सम्पन्न

देवचुली

गृहपृष्ठ
देवचुली

देवचुलीमा ९० प्रतिशत वडास्तरीय योजना सम्पन्न

एलिना केसी 2078-04-06

देवचुली,

आर्थिक बर्ष २०७७/०७८ मा वडा नं १ देखि १७ सम्म जम्मा ३ सय ३ वटा योजनाहरु रहेको मध्ये २ सय ७३ वटा सम्पन्न भएसँगै ३० वटा योजनाहरु सम्पन्न गर्न बाँकी रहेका छन् । यो कुल योजनाको ९० प्रतिशत हो ।
गत आर्थिक बर्ष २०७७/०७८ मा देवचुली नगरपालिका अन्तर्गत १७ वटा वडा मध्ये ५ वटा वडाले वडास्तरीय योजनाको काम सम्पन्न गरेका छन् । नगरपालिकाका १७ वटा वडा मध्ये देवचुली वडा नं ६, ७, ११, १५ र १७ ले वडा स्तरीय योजनाहरु सम्पन्न गरेका छन भने बाँकी १२ वटा वडाका केही योजना बाँकी रहेका छन् । देवचुली वडा नं ६ ले १७ वटा, वडा नं ७ को १९ वटा, वडा नं ११ को १४ वटा, वडा नं १५ को १३ वटा र वडा नं १७ को १० वटा योजनाहरु यस आर्थिक बर्षमा नै सम्पन्न भएको देवचुली नगरपालिका प्रशासन शाखा अधिकृत जिवलाल श्रेष्ठले जानकारी दिनुभयो ।
यसैगरि देवचुली वडा नं १ को १४ योजना मध्ये ३, वडा नं २ को २० मध्ये ३, वडा नं ३ को १६ मध्ये ३, वडा नं ४ को २३ मध्ये १, वडा नं ५ को १८ मध्ये १, वडा नं ८ को १९ मध्ये २, वडा नं ९ को २७ मध्ये २, वडा नं १० को १६ मध्ये १, वडा नं १२ को ९ मध्ये ३, वडा नं १३ को २४मध्ये ४, वडा नं १४ को २१ मध्ये २ र वडा नं १६ को २३ मध्ये ४ वटा योजनाहरु सम्पन्न गर्न बाँकी रहेका छन् ।