नवलपुरका ८ हजार शिक्षक तथा कर्मचारीले भेरोसिल खोप लगाउने

देवचुली

गृहपृष्ठ
देवचुली

नवलपुरका ८ हजार शिक्षक तथा कर्मचारीले भेरोसिल खोप लगाउने

राजन थकाली 2078-03-31

नवलपुर
नवलपुर जिल्ला भित्र कार्यरत करिब ८ हजार शिक्षक तथा बिधालयका कर्मचारीहरुले कोभिड–१९ विरुद्धको भेरोसिल खोपको पहिलो मात्रा लगाउने भएका छन् । कोरोना कहरले लामो समय देखि बिधालय बन्द रहेकोले अब छिट्टै विद्यालय सञ्चालन गर्नुपर्ने भएकाले शिक्षकहरुलाई प्राथमिकताका आधारमा खोप लगाउन थालिएको नवलपुर शिक्षा तथा समन्वय इकाईका प्रमुख कृष्ण चन्द्र पोख्रेलले ह्याप्पी टाइम्सलाई बताएका छन्। पोख्रेलका अनुसार जिल्ला भित्र रहेका सम्पूर्ण सामुदायिक , संस्थागत र बिश्वबिधालय अन्तरगतका शिक्षक तथा कर्मचारीहरुलाई खोप लगाउन थालिएको हो। यस्तै देवचुली नगरपालिका भित्रका शिक्षक तथा बिधालयका कर्मचारीहरुले साउन २ गते अर्थात आउने शनिबार कोभिड–१९ विरुद्धको भेरोसिल खोपको पहिलो मात्रा लगाउने भएका छन् । देवचुली नगरपालिका शिक्षा शाखाका राम प्रशाद शर्माका अनुसार नगर भित्रका संस्थागत र सामुदायिक बिधालयमा कार्यरत शिक्षक तथा अन्य कर्मचारी गरि करिब १ हजार ७ सय जनालाई उक्त खोप लगाइने भएको हो। शर्मा अनुसार खोप लगाउनको लागी नाम दर्ता गर्नु पर्ने र आफ्नो परिचय पत्रको आवश्यकता पर्ने बताइएको छ। यता गैडाकोटमा भने करिब १ हजार शिक्षक तथा बिधालयका कर्मचारीहरुलाई उक्त खोप लगाइने भएको छ। गैडाकोट नगर शिक्षाका मोति रिजालका अनुसार खोप लगाउन आउदा अनिवार्य रुपमा शिक्षक परिचय पत्र लिएर खोप केन्द्रमा उपस्थित हुन आग्रह गरिएको छ।

प्रकाशित मिति: बिहीबार, असार ३१, २०७८ २०:०७