दोस्रो दिनको निःशुल्क स्वास्थ्य शिविरमा २ सय ३ जनाले लिए सेवा

देवचुली

गृहपृष्ठ
देवचुली

दोस्रो दिनको निःशुल्क स्वास्थ्य शिविरमा २ सय ३ जनाले लिए सेवा

एलिना केसी 2077-10-28

देवचुली,

देवचुली नगरपालिका स्वास्थ्य शाखाको आयोजनामा दोस्रो दिन देवचुली १५ प्रगतिनगर सालघारीमा निःशुल्क स्वास्थ्य शिविर सम्पन्न भएको छ । बुधबार प्रगतिनगर सालघारीमा रहेको प्रगति मध्यवर्ती सामुदायिक वन उपभोक्ता समूहको भवनमा बालबालिका, जेष्ठ नागरिक, अपाङ्गहरुका लागि निःशुल्क स्वास्थ्य शिविर सम्पन्न भएको हो ।

May be an image of 3 people, people standing and outdoors

May be an image of 3 people, people standing and people sitting

उक्त शिविरमा २ सय ३ जनाले शिविरमा स्वास्थ्य परिक्षण गरेका थिए । शिविरमा १ सय ७८ जनाले सुगर परिक्षण गरेका थिए भने अन्यले मधुमेह, एलर्जी, ज्वरो, ग्याष्ट्रिक लगायतको चेकजाँच गरि निःशुल्क औषधी समेत वितरण गरिएको थियो । शिविरमा दुम्कौली अस्पतालका मेडिकल अधिकृत डा. नवराज चापागाईं र डा रोजी थपलियाले परिक्षण गर्नुभएको थियो ।

May be an image of one or more people and people sitting

May be an image of 3 people, people sitting and people standing
देवचुलीमा सुगर बिरामीको संख्या धेरै रहेकाले खानपानमा विशेष ध्यान दिनुपर्ने चिकित्सकले बताएका थिए । कार्यक्रममा देवचुली १५ का वडाध्यक्ष हरिभक्त भट्टराई, वडा सदस्य, देवचुली स्वास्थ्य शाखा प्रमुख राम कुमार श्रेष्ठ, सि.अ.हे.व अधिकृत शिव पराजुली, पिताम्बर भुर्तेल लगाएतको उपस्थिती रहेको थियो ।