नवलपुरकाे देवचुली नगरपालिका–९ मा अवस्थित घुमाउरी सामुदायिक वन उपभोक्ता समूहको क्षेत्रभित्र रहेको घुमाउरी पिकनिक स्पट पछिल्ला वर्षहरूमा नवलपुरको प्रमुख पिकनिक गन्तव्यका रूपमा परिचित हुँदै आएको छ। पूर्व–पश्चिम राजमार्गस्थित प्रगतिनगर र दलदलेबाट उत्तरतर्फ अवस्थित यो मनोरञ्जन स्थल हिउँद सुरु भएकै दिनदेखि धमाधम पिकनिक मनाउन आउने भीडले रमाइलो बनेको छ।
नवलपुर मात्र होइन, छिमेकी जिल्ला चितवन, पश्चिम नवलपरासी, रुपन्देही लगायतका जिल्लाबाट समेत दिनहुँजसो समूह, विद्यालय, क्लब तथा विभिन्न सङ्घ–संस्थाहरू यहाँ पिकनिक मनाउन आउने क्रम बढ्दो छ। दिन विशेषमा एकै दिन ५० भन्दा बढी टोलीले पिकनिक मनाएको तथ्यांक रहेको यस स्पटमा अहिले दैनिक १५ देखि २० टिमको उपस्थितिमा उत्साहजनक चहलपहल देखिन्छ।
-1764419328.jpeg)
प्राकृतिक सुन्दरता, सामुदायिक वनको हरियाली र चराचुरुङ्गीको मीठो स्वरले सिंगारिएको घुमाउरी पिकनिक स्पट फोटोग्राफी तथा भिडियोसेसनका लागि पनि उत्तिकै चर्चित छ। प्रवेशद्वारमा स्थापित आकर्षक हात्तीका मूर्तिदेखि लिएर विभिन्न स्थानमा राखिएका सिर्जनात्मक फोटो–स्पटहरूले युवादेखि परिवारसम्म सबैलाई मनमोहक अनुभूति दिने गरेका छन्। सुव्यवस्थित फूलबारीमा फुलेका रङ्गीचङ्गी फूलहरूले त साँच्चिकै आगन्तुकलाई भुल्न नदिने वातावरण सिर्जना गर्छन्।
-1764419328.jpeg)
यसै क्षेत्रको अर्को आकर्षण बौद्ध गुम्बा हो, जहाँ पुग्नेहरूमध्ये धेरैजसोले ध्यान, शान्ति र आध्यात्मिक स्पर्शको अनुभूति लिएर फर्कने गरेका छन्। पिकनिकका लागि आवश्यक बिजुली, खानेपानी र टहरा जस्ता संरचनाहरू पयाप्त रहेका छन् । पिकनिकको चाप बढ्दै गएपछि पूर्वाधार विस्तार तथा सुधारका काम अघि बढाइरहेको बताउँदै अध्यक्ष पार्वती रावलले , घुमाउरी पिकनिक स्पटलाई अझ व्यवस्थित, आकर्षक र आधुनिक स्वरूपमा विकास गर्ने लक्ष्य सामुदायिक वन उपभोक्ता समूहले लिएको जानकारी दिनुभयो।
-1764419327.jpeg)
-1764419326.jpeg)
-1764419330.jpeg)
-1764300241.jpeg)
