चौथो देवचुली महोत्सव : ज्योति मगरको गीत सुन्न साँझ सम्म दर्शकको घुइँचो

देवचुली

गृहपृष्ठ
देवचुली

चौथो देवचुली महोत्सव : ज्योति मगरको गीत सुन्न साँझ सम्म दर्शकको घुइँचो

राजन थकाली आइतबार, माघ १५, २०७९

देवचुली

चौथो देवचुली महोत्सवमा आज एघारौँ दिन चर्चित गायिका ज्योति मगरले बेजोड प्रस्तुति दिएकि छिन्। गायिका मगरले कान्छी मुसुक्कै पैसा भुसुक्कै , पिरतीमा दम छ , जिम्मल बाकी छोरी सहित अन्य गीतहरु गाउँदै उपस्थित दर्शकहरुलाई नाच्न बाध्य बनाएकी थिइन्।

कार्यक्रममा ज्योति मगर संगै ढाकाराम पौडेल तथा स्थानिय कलाकारहरुको प्रस्तुति समेत रहेको थियो। आज ज्योति मगरको प्रस्तुति हेर्न दर्शकको साँझ सम्म भिडभाड रहेको थियो। देवचुली उद्योग वाणिज्य संघको आयोजनामा गत माघ ५ गते देखि सुरु भएको महोत्सवमा हरेक दिन राष्ट्रिय तथा स्थानीय कलाकारहरुको प्रस्तुति रहेको छ।

महोत्सवमा बाल उद्यान, कृषि प्रदर्शनी, बालमैत्री सामाग्री प्रदर्शनी, विज्ञान कला प्रदर्शनी, जातीय पहिचान झल्कने घर, औद्योगिक उत्पादनहरूको प्रदर्शनी सँगै कृषि र पर्यटनको सिकाइ प्रदर्शनीहरू रहेको छ । महोत्सव देवचुली १७ फारम बरचुली मा.विको खुल्ला मैदानमा सञ्चालन भइरहेको छ ।

प्रकाशित मिति: आइतबार, माघ १५, २०७९ १९:५९