कोपिला नेपालको आयोजनामा देवचुलीमा चित्र लेखन प्रतियोगिता सम्पन्न

देवचुली

गृहपृष्ठ
देवचुली

कोपिला नेपालको आयोजनामा देवचुलीमा चित्र लेखन प्रतियोगिता सम्पन्न

एलिना केसी 2079-05-23

देवचुली,
कोपिला नेपालको आयोजनामा देवचुलीमा फरक क्षमताका बालबालिका बिच चित्र लेखन प्रतियोगिता सम्पन्न भएको छ । ५६ औँ साक्षरता दिवसको अवसरमा नगरपालिका भित्र रहेका बालबालिकाहरुलाई चित्र लेखन प्रतियोगिता गरिएको हो । प्रतियोगितामा नगरभित्रका ४ विद्यालयका २२ जना विद्यार्थीहरुको सहभागिता रहेको थियो । प्रतियोगितामा जनज्योति नमूना माध्यमिक विद्यालयका दल बहादुर राना प्रथम भएका छन् । यसैगरि जनज्योति नमूना माध्यमिक विद्यालयका अञ्जु श्रेष्ठ र जनज्योति माध्यमिक विद्यालयकासलिना सुवेदी द्धितीय भएका छन् । भीमसेन आदर्श नमूना माध्यमिक विद्यालयका कृपा मगर तृतीय भएकी छिन् भने जनज्योती मा.विका सिद्धान्त न्यौपाने सान्तोवना भएका छन् । May be an image of 3 people, people sitting and indoor
यता फरक क्षमता भएका विद्यार्थी मध्ये दिव्यज्योति आधारभूत विद्यालयका मिलन आले प्रथम भएका छन् । जनज्योती नमूना माध्यमिक विद्यालयका सन्तोष नेपाली द्धितीय भएक छन् भने भीमसेन आदर्श नमूना माध्यमिक विद्यालयका विद्यार्थी मनोज भुर्तेल तृतीय हुन सफल भएका छन् । May be an image of 4 people, people sitting and indoor
हरेक व्यक्तिमा एउटा–एउटा कला हुने भएकाले पनि साक्षरता दिवसको अवसरमा चित्र लेखन प्रतियोगिता आयोजना गरि बालबालिका भित्र रहेको प्रतिभालाई उजागर गर्ने सानो प्रयास कोपिला नेपालले गरेको देवचुली नगरपालिकाका कर्मचारी कमला सापकोटाले जानकारी दिनुभयो । May be an image of 1 person and indoor
कार्यक्रममा उत्कृष्ठ हुने सबै विद्यार्थीहरुलाई देवचुली नगरपालिका वडा नं १४ का वडाध्यक्ष गोपाल थापाले शैक्षिक सामाग्रीले सम्मान गर्नुभएको थियो । उहाँले बालबालिका भित्र रहेको प्रतिभालाई सम्मान गर्नुपर्ने बताउँदै यस्ता कार्यक्रमले बालबालिकामा थप उर्जा मिल्ने बताउनुभयो । कार्यक्रममा जनज्योती माधयमिक विद्यालयका शिक्षक सोम सुवेदीको उपस्थिती रहेको थियो । May be an image of 1 person