११२ औँ अन्तराष्ट्रिय महिला दिवसको अवसरमा देवचुलीमा हाजिर जवाफ प्रतियोगिता हुने

देवचुली

गृहपृष्ठ
देवचुली

११२ औँ अन्तराष्ट्रिय महिला दिवसको अवसरमा देवचुलीमा हाजिर जवाफ प्रतियोगिता हुने

एलिना केसी 2078-11-22

देवचुली,

११२ औँ अन्तराष्ट्रिय महिला दिवसको अवसरमा लैङ्गिक हिंसा सम्बन्धि अन्तरक्रिया तथा नगर स्तरीय हाजिर जवाफ प्रतियोगिता हुने भएको छ ।

देवचुली नगरपालिका वडा नं ११ मा रहेको महिला कल्याण बहुउद्धेश्यीय सहकारी संस्था लिमिटेडको आयोजना र देवचुली नगरपालिकाको आर्थिक सहयोगमा कार्यक्रम हुन लागेको हो ।

यहि फाल्गुन २४ गते मंगलबार दलदले साहारा पार्टी प्यालेसमा दिउँसो १ बजे देखि अन्तरक्रिया तथा नगर स्तरीय हाजिर जवाफ प्रतियोगिता सुरु हुने संस्थाका अध्यक्ष रत्नामाया विश्कर्माले बताउनुभयो ।

उहाँले ११२ औँ अन्तराष्ट्रिय महिला दिवसको अवसरमा नगरभित्र रहेका महिलाहरुलाई सहभागी गराई उनीहरुमा भएको समस्या सुनि समाधान गर्नतर्फ लाग्ने बताउनुभएको छ ।

साथै महिलाहरु बिच हाजिर जवाफ प्रतियोगिता गराईने बताउनुभयो ।

उक्त कार्यक्रममा सम्पूर्ण महिला दिदीबहिनीलाई सहभागी हुन समेत अनुरोध गरिएको छ ।

प्रकाशित मिति: आइतबार, फागुन २२, २०७८ १७:०३