अरुणखोलामा रिलायबल नेपाल लाइफ इन्स्योरेन्सको शाखा समुद्घाटन

देश

गृहपृष्ठ
देश

अरुणखोलामा रिलायबल नेपाल लाइफ इन्स्योरेन्सको शाखा समुद्घाटन

एलिना केसी 2078-05-15

अरुणखोला,

पूर्वी नवलपरासीको मध्यबिन्दु नगरपालिकाको अरुणखोलाना रिलायबल नेपाल लाइफ इन्स्योरेन्स शाखा समुद्घाटन गरिएको छ। मंगलबार एक कार्यक्रमको आयोजना गरि रिबन काटेर सो शाखाको उद्घाटन गरिएको हो। उद्घाटन पश्चात् केक काटी चौथो बार्षिकोत्सव मनाईएको थियो। रिलायबल नेपालले आफ्नो स्थापनाको चौथो बर्षको अवसर पारी अरुणखोलामा शाखा विस्तार गरेको हो। शाखा समुद्घाटन कार्यक्रमको अध्यक्षता रिलायबल नेपाल लाइफ इन्स्योरेन्सका क्षेत्रीय प्रवन्धक राजेन्द्र पौडेलले गर्नुभएको थियो। No description available.

कार्यक्रमको प्रमुख अतिथिका रुपमा मध्यबिन्दु नगरपालिका वडा नं १० का वडाध्यक्ष चुराबहादुर थापा रहनुभएको थियो। कार्यक्रममा बोल्दै प्रमुख अतिथी थापाले लाइफ इन्स्योरेन्सहरुको भिडमा रिलायबल नेपाल अब्बल रहेको महसुस आँफूले समेत गरेको बताउँदै नगरबासीहरुलाई जीवन बिमा गर्न आग्रह गर्नुभयो। No description available.

संस्थाका क्षेत्रीय प्रवन्धक पौडेलले रिलायबल नेपाल लाइफ इन्स्योरेन्स स्थापनाको छोटो अवधी मै सर्वाधिक विमित गराउने पहिलो बिमा कम्पनी हुन सफल भएको बताउँदै रिलायबलले बिमितको मरणोपरान्त रकम भुक्तानी मात्रै नभई बिरामी हुँदा औषधी उपचार खर्च समेत बेहोर्ने भएकाले रिलायबल नेपाल बिमा कम्पनी कम्पनीहरुको भिडमा अग्रणी भुमिकामा रहेको बताउनुभयो। No description available.

उद्घाटन कार्यक्रममा रिलायबल नेपालका सिनियर एजेन्सी म्यानेजर कृष्ण भण्डारी,अरुणखोला खानेपानी तथा सरसफाई उपभोक्ता संस्थाका अध्यक्ष कृष्ण भट्टराई लगायतले शुभकामना मन्तब्य राख्नुभएको थियो। कार्यक्रममा मध्यबिन्दु वडा नं १२ का वडाध्यक्ष कुलबहादुर गुरुङ्ग, वडा नं १० कि वडा सदस्य दुर्गालक्ष्मी काफ्ले, रिलायबलका कावासोती शाखा प्रवन्धक शंकर खनाल, रिलायबलका एमडीआरटी रमेश किशोर लम्साल, आरएमई अभिकर्ता सुरज भण्डारी लागायतको उपस्थिति रहेको थियो। संस्थाकी अरुणखोला शाखा प्रवन्धक अर्चना चौधरीको स्वागत मन्तव्य रहेको कार्यक्रमको सहजीकरण ह्याप्पी एफ एमका स्टेसन म्यानेजर आदर्श सुशिलले गर्नुभएको थियो।

प्रकाशित मिति: मंगलबार, भदौ १५, २०७८ २२:०८