नवप्रगती पृथ्वी साकोसको बार्षिक समीक्षा सम्पन्न

देवचुली

गृहपृष्ठ
देवचुली

नवप्रगती पृथ्वी साकोसको बार्षिक समीक्षा सम्पन्न

आदर्श सुशिल 2077-07-06

देवचुली,

देवचुली नगरपालिकाको प्रगतिनगरमा केन्द्रिय कार्यालय रही वित्तीय कारोबार गर्दै आईरहेको नवप्रगती पृथ्वी बचत तथा ऋण सहकारी संस्थाले बार्षिक समीक्षा सम्पन्न गरेको छ।कोरोना महामारीमा सामाजिक दूरी कायम गरि समितीका पदाधिकारीहरुको उपस्थितिमा साकोसले आफ्नो बार्षिक प्रगतीप्रती समीक्षा गरेको हो। साकोसले ४ ओटा सहकारीले एकीकृत कारोबार गरेपछी र कोभिड-१९ को जोखिमका बावजुद भएका प्रगतीको बिषयमा अन्तरक्रिया समेत गरेको छ। नवप्रगती पृथ्वी साकोसको आ.व. ०७६/७७ र ७७र/७८ को पहिलो त्रैमासिकसम्ममा जम्मा शेयर रकम ४ करोड ४२ लाख २६ हजार दुई सय रुपैया रहेको छ। संस्थाले हालसम्म ३७ करोड ९३ लाख ९२ हजार ८ सय उनन्तीस रुपैयाँ बचत गरेको छ भने ३७ करोड ५५ लाख ८ हजार ६ सय ६ रुपैयाँ ऋण लगानी गरेको छ।

देवचुली नगरपालिकाको तीन स्थान र छिमेकी कावासोती नगरपालिकाको दुई स्थान गरि ५ ठाउँबाट कारोबार गरिरहेको साकोसको २ करोड ८८ लाख ४७ हजार ४ सय ७७ रुपैयाँ संस्थागत कोष रहेको छ।साकोसले आ।व।७६र७७ मा १ करोड ७२ लाख ४४ हजार ८ सय ६४ रुपैयाँ मुनाफा गरेको संस्थाका प्रमुख कार्यकारी अधिकृत नरभुपाल भुसालले जानकारी दिनुभयो। कोरोना महामारीमा लक्ष्य अनुरुप शेयर सदस्य वृद्धि र लगानी गर्न नसकिरहेको सन्दर्भमा साकोसले ऋणको ब्याजमा ३ रुपैयाँ ४५ पैसा र बचतको ब्याजमा ४ रुपैयाँ ५० पैसा प्रती एक सय रुपैयाँमा संरक्षित पुँजी फिर्ता कोषमार्फत आफ्ना शेयर सदस्यहरुलाई फिर्ता गरिरहेको नवप्रगती पृथ्वी साकोसका अध्यक्ष मानसिङ खत्रीले बताउनुभयो।

राष्ट्रिय सहकारी महासंघ नेपालद्वारा उत्कृष्ट सहकारी ब्यवसाय पुरस्कार २०७३ बाट सम्मानित नवप्रगती पृथ्वी साकोसले आफ्ना शेयर सदस्यहरुलाई १४/५० प्रतिशत शेयर बोनस दिने र आ.व.७६/७७ मा १२ लाख २५ हजार ३ सय ७३ रुपैयाँ ऋणको ब्याजमा छुट दिएको समीक्षा बैठकमा जानकारी गराईएको छ। नेफ्स्कुनद्वारा गण्डकी प्रदेश कै उत्कृष्ट सहकारी २०७३ र समय समयमा प्रोबेसन ब्राण्ड प्राप्त गर्न सफल नवप्रगती पृथ्वी साकोसले आफ्ना शेयर सदस्यहरुलाई रु २५ हजार सदस्य राहत कोष सुबिधा र रु २० हजार एक महिने निर्ब्याज आकष्मिक कर्जा सुबिधा समेत उपलब्ध गराउने गरेको छ।

प्रकाशित मिति: बिहीबार, कात्तिक ६, २०७७ १८:१०