स्वास्थ्य कार्यालय नवलपुरको दुई दिने बार्षिक समीक्षा दलदलेमा सुरु

देवचुली

गृहपृष्ठ
देवचुली

स्वास्थ्य कार्यालय नवलपुरको दुई दिने बार्षिक समीक्षा दलदलेमा सुरु

आदर्श सुशिल 2077-06-08

स्वास्थ्य कार्यालय नवलपुरको बार्षिक समीक्षा कार्यक्रम बिहिबार दलदलेमा सम्पन्न भएको छ। कार्यक्रममा स्वास्थ्य कार्यालयले गत आर्थिक बर्षमा गरेका कार्यहरुको प्रतिवेदन र आगामी बर्षको कार्ययोजना प्रस्तुत गरिएको थियो। कार्यक्रमको अध्यक्षता स्वास्थ्य कार्यालय नवलपुरका प्रमुख केशव चापागाइँले गर्नुभएको थियो। कार्यक्रममा स्वास्थ्य कार्यालयका सम्बन्धित कार्यक्रम फोकल पर्सनले आँफूले सम्पन्न गरेका कार्यक्रमको प्रगति प्रतिवेदन प्रस्तुत गरेका थिए । कार्यक्रममा स्वास्थ्य इन्डिकेटरका बारेमा तथ्यांक सहायक शिवशरण पराजुली,सेफ मदरहुड, फ्यामली प्लानिङ्ग र पोषणका बिषयमा पब्लिक हेल्थ नर्स भूमिका निरौला, सिबिआईएमएनसिआई,क्षयरोग र मलेरिया बिषयमा ल्याब एसिस्टेन्ट राम सिहासन कुसवाहा र खोपको त्रुटि बारे ल्याब एसिस्टेम्ट खरेन प्रसाद चौधरीले प्रतिवेदन प्रस्तुत गर्नुभएको थियो। साथै कार्यक्रममा साईना प्रेसको बारेमा आईपास नेपालका जिल्ला को-अर्डिनेटर राम कुमार शाह, खोप ब्यवस्थापनका बारेमा को.च.नि कुमार केसी र प्रशासनिक कार्यहरुका बारेमा प्रशासन प्रमुख लिलाबल्लभ पाण्डेले प्रतिवेदन प्रस्तुत गर्नुभएको थियो। सो अवसरमा नवलपुर जिल्लाका बौदीकाली र बुलिङ्गटार बाहेक ६ वटा पालिकाका स्वास्थ्य शाखा प्रमुखहरुले पालिकामा गत आर्थिक वर्षमा भएका कार्यक्रमका बारेमा समीक्षा र आगामी बर्षका कार्ययोजना प्रस्तुत गर्नुभएको थियो । कार्यक्रममा स्वागत मन्तब्य प्रशासन अधिकृत लिलाबल्लभ पाण्डेले राख्नुभएको थियो भने कार्यक्रमको सञ्चालन तथ्यांक सहायक शिवशरण पराजुलीले गर्नुभएको थियो। कार्यक्रममा सम्बन्धित पालिकाका स्वास्थ्य शाखा प्रमुख र तथ्यांक हेर्ने कर्मचारी गरि २५ जनाको उपस्थिति रहेको थियो।

प्रकाशित मिति: बिहीबार, असोज ८, २०७७ २०:०९