भिजिट देवचुलीको अभियानमा देवचुलीका होटल, रेष्टुरेन्ट र होमस्टे ब्यबसायिहरु अघि सर्दै

देवचुली

गृहपृष्ठ
देवचुली

भिजिट देवचुलीको अभियानमा देवचुलीका होटल, रेष्टुरेन्ट र होमस्टे ब्यबसायिहरु अघि सर्दै

ह्याप्पी टाइम्स 2076-08-29

देवचुली , दिपेश कडरिया

नेपाल सरकारले सन् २०२० मा २० लाख विदेशी पर्यटक भित्र्याउने योजना सार्वजनिक गरिरहँदा देवचुलीका पर्यटन ब्यबसायिहरु पनि अघि सरेका छन् । देवचुलीको आन्तरिक पर्यटन प्रबर्द्धन गरि नेपाल भ्रमण बर्ष २०२० सफल बनाउनको लागि देवचुली नगरपालिका भित्रका होटल,रेस्टुरेन्ट तथा होम स्टे ब्यबसायिहरु एकै मन्चमा उभिएका हुन् ।
रोयल जंगल सफारी क्याम्पका प्रबन्धक सुर्य प्रसाद न्यौपानेको संयोजकत्वमा ११ जनाको सल्लाहकार समिती निर्माण गरिएको छ।
देवचुली नवलपुर पर्यटन होटल रेस्टुरेन्ट तथा होम स्टे ब्यबसायी संघ मार्फत आन्तरिक पर्यटक भित्राउन विभिन्न ११ वटा महत्वपूर्ण कार्य योजना अघि बढाइएको कार्य समितीका अध्यक्ष पलट प्रसाद चौधरि बताउनुहुन्छ। सबैलाई पायक पर्ने गरि संयुक्त बसपार्क स्थापना गरि इन्फर्मेसन सेन्टर राख्ने तयारी गरिएको कार्य समितिका उपाध्यक्ष झलक ब महत्तो बताउनुहुन्छ। ३० भन्दा बढी ब्यबसायी हरुको छलफल्ले केही निर्णय हरु कार्यान्वयन मा अघि सारिएको छ।
सबै होटल रेस्टुरेन्ट होम स्टे सबैको एउटै होर्डिङ बोर्ड विभिन्न ठाउमा रखिने छ। जंगल सफारी,डुंगा सफारिको पुर्वाधार तयार पार्दै जैविक मार्ग खोल्न आवश्यक पहल गरिने छ।हात्ती सफारी,जिप सफारिलाई प्राथमिकतामा राख्दै एउटै प्याकेजमा पर्यटकहरुलाई सुबिधा दिने गरि केही महत्त्वपूर्ण निर्णयहरु गरिएको बताउनु हुन्छ सल्लाहकार समितिका सदस्य मेघा फन पार्कका संचालक सिद्द कुमार श्रेष्ठ ।
नेपालमा पर्यटक भित्रने सिजन अक्टोबरदेखि सुरु हुन्छ । अक्टोबर, नोभेम्बर र डिसेम्बर यी तीन महिना पर्यटकको आगमनको हिसाबले उत्कृष्ट महिना हुन् ।
यो सिजनमा बाह्य मात्र होइन आन्तरिक पर्यटकको पनि वृद्धि हुने गरेको छ ।

प्रकाशित मिति: आइतबार, मंसिर २९, २०७६ १२:१२