दिव्यको चौथो साधारण सभा सम्पन्न

देवचुली

गृहपृष्ठ
देवचुली

दिव्यको चौथो साधारण सभा सम्पन्न

ह्याप्पी टाइम्स 2076-08-28

देवचुली,डि.आर क्षेत्री

देवचुली नगरपालिकाको वडा नं १ मा रहेको दिव्यज्योति कृषि सहकारि संस्था लिमिटेडको चौथो साधारण सभा सम्पन्न आज मङ्सिर २८ गतेका दिन सम्पन्न भएको छ । बोटे माझिहरुको नेतृत्व , आर्थिक तथा सामाजिक विकासगर्ने लक्ष्यका साथ स्थापना भएको सहकारिको हाल १२७ जना सयर सदस्यहरु रहेकोमा ५६ जना बाल वचतकर्ता हरु रहेका छन् । यश सहकारिले २०७६ आसार मसान्त सम्म रु ३०लाख ७७ हजार चार सय अड्चालिस रुपैयाँको कारोवार गरेको छ । नदिमा आश्रित बोटे माझिहरु पछिल्लो समय समुह हुँदै आफ्नो छुट्टै सहकारि सञ्चालन गर्न सफल भएकोमा अधिकांश वोल्ने वक्ताहरुले शुभकामना दिएका थिए । सभाको प्रमुख अतिथि देवचुली नगरपालिका वडा नं १ का वडा अध्यक्ष लक्ष्मण राज भण्डारी रहनुभएको थियो भने विशेष अतिथिहरुमा नगरपालिकाका सुचना प्रविधि अधिकृत कृष्णहरि सापकोटा , सिसवार मध्यवर्ती उपभोक्ता समितिका उपाध्यक्ष विन वहादुर जिएम , कारितास नेपालका कौसिला सापकोटा , लालिमा कृषि सहकारि संस्था लिमिटेडका अध्यक्ष सुर्य प्रसाद पोख्रेल , दिव्य मध्यवर्ति सामुदायिक वनका अध्यक्ष देविलाल देवकोटा रहनुभएको थियो भने विभिन्न संध संस्थाका प्रमुख र प्रतिनिधि हरुको उपस्थिति रहेको थियो । सहकारिले चौथो साधारण सभाको अवसरमा उत्कृष्ट वचतकर्ता हिरामाया वोटे , उत्कृष्ट ऋणी मन वहादुर वोटे , उत्कृष्ट व्यवसायि शर्मिला माझी लाई सम्मान गरिएको थियो । त्यस्तै संस्थाको बाल वचतकर्ताहरु माझ विभिन्न खेलहरु समेत सञ्चालन गरिएकोमा म्युजिकल चियर अन्तरगत पर्वत माझी प्रथम , तातो आलुमा जोन माझी प्रथम भएका थिए, प्रथम हुने दुईलाई पुरस्कार सहित सम्मान गरिएको थियो। सभाको अध्यक्षता सहकारि संस्थाका अध्यक्ष बाबुराम माझी रहनुभएको थियो भने कार्यक्रम सञ्चालन सहकारिको व्यवस्थापक पुर्णमाया वोटेले गर्नुभएको थियो ।

प्रकाशित मिति: शनिबार, मंसिर २८, २०७६ १७:१२