पत्रकार र कर्मचारी बिचको फुटसलमा कर्मचारीको समुह बिजयी

कावासोती

गृहपृष्ठ
कावासोती

पत्रकार र कर्मचारी बिचको फुटसलमा कर्मचारीको समुह बिजयी

हेर्नेपाटी मंगलबार, भदौ १८, २०८१

कावासोती

निजामती दिवस र संविधान दिवसको अबसरमा आज मंगलबार कावासोतीमा आयोजित फुटसल प्रतियोगितामा कर्मचारीको समूह बिजयी भएको छ ।

कर्मचारी मिलन केन्द्र नवलपुरले आयोजना गरेको पत्रकार र कर्मचारी बिचको फुटसल प्रतियोगितामा कर्मचारीको समुहले पत्रकार समुहलाई ५ को बिरुद्द ९ गोल गर्दै बिजयी भएको खेलकुद बिकास समितिका अध्यक्ष सेतमान पुनले बताए ।

कर्मचारीको तर्फबाट प्रमुख जिल्ला अधिकारी अरुण पोख्रेलले नेतृत्व रहेको थियो भने पत्रकारको तर्फबाट नेपाल पत्रकार महासंघ नवलपुरका अध्यक्ष बिरेन्द्र पराजुलिको नेतृत्व रहेको थियो। मैत्रीपुर्ण खेल भएकोले हारजितलाई भन्दा रमाईलोको लागि यो प्रतियोगितालाई लिईएको कर्मचारी मिलन केन्द्र नवलपुरका अध्यक्ष बिरेन्द्र घिमिरेले बताएका छन ।

फुटसल प्रतियोगितामा जिल्ला भरिका कर्मचारी र पत्रकारको उत्साहजनक सहभागिता रहेको थियो। यसैगरी कर्मचारी मिलन केन्द्र नवलपुरले निजामती सेवा दिवसको अबसरमा स्वास्थ्य सिबिर , रक्तदान , र असायहरुलाई खाद्यान्न सामाग्री बितरण गरिने कर्मचारी मिलन केन्द्रका सचिब हरि पौडेलले जानकारी गराएका छन ।

प्रकाशित मिति: मंगलबार, भदौ १८, २०८१ २०:४०