देवचुली १३ मा भूमिहीन, सुकुम्बासी तथा अव्यवस्थितहरुको जग्गा नापजाँचको शुभारम्भ

देवचुली

गृहपृष्ठ
देवचुली

देवचुली १३ मा भूमिहीन, सुकुम्बासी तथा अव्यवस्थितहरुको जग्गा नापजाँचको शुभारम्भ

एलिना केसी आइतबार, चैत ४, २०८०

देवचुली,

भूमिहीन दलित, भूमिहीन सुकुम्बासी तथा अव्यवस्थित बसोबासीहरुको व्यवस्थापनको लागि देवचुली १३ मा जग्गा नापजाँच कार्यक्रमको शुभारम्भ गरिएको छ ।
आइतबार देवचुली नगरपालिकाका नगरप्रमुख हरि प्रसाद न्यौपानेको आतिथ्यतामा जग्गा नापजाँचको थालनी गरिएको हो । बर्षाै देखि पूर्जा विहिन रहेका यहाँका नागरिक अब केही हुनेमा आशावादी थिए । May be an image of 5 people

जग्गा नापजाँच शुभारम्भ कार्यक्रममा राष्ट्रिय भूमि आयोग नवलपुर जिल्लाका अध्यक्ष तारापति खरेलको विशिष्ट आतिथ्यता रहेको थियो । उक्त कार्यक्रममा बोल्दै खरेलले अन्य पालिकाको तुलनामा भूमिहीनहरुको क्षेत्रमा देवचुली नगरपालिकाले छिटो छरितो काम गरिरहेको बताउनुभएको थियो । उहाँले आयोगले पूर्जा वितरण गर्नु पूर्व धेरै कार्य हुने भएकाले कानुनी रुपमा काम सम्पन्न गरि भूमिहीन दलित, भूमिहीन सुकुम्बासी तथा अव्यवस्थित बसोबासीहरुलाई पूर्जा वितरण गर्ने बताउनुभएको थियो । May be an image of 5 people, tree and text

यस्तै कार्यक्रममा बोल्दै देवचुली नगरपालिकाका नगरप्रमुख हरि प्रसाद न्यौपानेले सुकुम्बासी समस्या समाधानका निम्ति आँफूहरुले सबै तवरबाट काम गरिहेको बताउनुभयो । उहाँले अन्य विकासका कार्य रोकेर भएपनि सुकुम्बासी समस्या समाधान गरि पूर्जा वितरण गर्ने प्रतिबद्धता गर्नुभएको थियो । न्यौपानेले – नगरपालिकाको मुख्य लक्ष्य नै भूमिहीनलाई पूर्जाको मालिक बनाउने रहेको बताउनुभयो ।
देवचुली वडा नं १३ मा जग्गा नापजाँचका लागि अमिनहरुलाई यहाँका स्थानीयहरुले सहजीकरण गर्न लगाइएकाे र जग्गा नापजाँचको कामलाई छिट्टै सम्पन्न गरि अन्य प्रक्रिया अगाडि बढाउने वडाध्यक्ष एकदेव पौडेलले बताउनुभयो । May be an image of 9 people

कार्यक्रममा देवचुली वडा नं १३ का वडासदस्य ओमनारायण महतोले स्वागत मन्तव्य राख्नुभएको थियो भने नगरपालिकाका कर्मचारी शिव सापकोटाले कार्यक्रमको सहजीकरण गर्नुभएको थियो । देवचुली वडा नं १३ का वडाध्यक्ष एकदेव पौडेलको अध्यक्षतमा कार्यक्रम सम्पन्न भएको थियो । May be an image of 2 people and text that says

देवचुली नगरपालिका वडा नं १३ मा ६७ भुमिहिन दलित र भूमिहीन सुकुम्बासी र २ सय ४३ अव्यवस्थित बसोबासी गरि कुल ३ सय १० वटा आवेदन परेको देवचुली १३ वडा कार्यालयले जनाइएको छ ।

प्रकाशित मिति: आइतबार, चैत ४, २०८० १२:५४