ने.वि.प्रा.कर्मचारी संघको सह-अध्यक्ष पदमा नमराज कडरियाको उम्मेदवारी: मध्य नेपालमा बलियो नेतृत्वको प्रत्याभूति!

देश

गृहपृष्ठ
देश

ने.वि.प्रा.कर्मचारी संघको सह-अध्यक्ष पदमा नमराज कडरियाको उम्मेदवारी: मध्य नेपालमा बलियो नेतृत्वको प्रत्याभूति!

हेर्नेपाटी मंगलबार, जेठ २७, २०८२

नेपाल विद्युत प्राधिकरण कर्मचारी संघको आसन्न १३औँ अधिवेशन नजिकिँदै गर्दा सह-अध्यक्ष पदमा नमराज कडरियाले उम्मेदवारी घोषणा गरेका छन्। आगामी जेष्ठ ३० र ३१ गते काठमाडौंमा सम्पन्न हुन लागेको अधिवेशनमा अध्यक्ष पदका प्रत्यासी टंक अधिकारिको प्यानलमा कडरियाले सह-अध्यक्षमा आफुलाई बलियो प्रतिस्पर्धी को रुपमा अघि सरेका छन्।

ने.वि.प्रा. कर्मचारी संघ लुम्बिनी क्षेत्रीय समितिका पूर्व अध्यक्ष समेत रहि सकेका कडरिया मध्य नेपाल क्षेत्रमा संघको प्रभावशाली उपस्थिति कायम गरिसकेका एक अनुभवी र सम्मानित कर्मचारी नेता हुन्। उनी ने.वि.प्रा. कर्मचारी संघको पूर्व केन्द्रीय उपाध्यक्ष समेत रहेर संघको राष्ट्रिय नेतृत्वमा सक्रिय योगदान दिइ सकेका छन्।

उनी लामो समयदेखि प्राधिकरणभित्र कर्मचारी अधिकार, सेवा सुविधा र कार्यक्षमतामा सुधारका लागि आवाज उठाउँदै आएका छन्। उनको नेतृत्वले संघलाई सशक्त, पारदर्शी र उत्तरदायी बनाउन मद्दत पुग्ने विश्वास कर्मचारीहरूमा छ। एकता र संगठन बलियो बनाउने अभियानमा कडरियाको भूमिका निर्णायक हुने अपेक्षा गरिएको छ। सरल व्यवहार र सबै कर्मचारीसँग आत्मीय सम्बन्ध बनाउन सक्ने क्षमताले उनलाई संगठनभित्र विश्वासिलो र लोकप्रिय नेताको रूपमा स्थापित गरेको छ।