ने.वि.प्रा.कर्मचारी संघको अध्यक्ष पदमा टंक अधिकारिको उम्मेदवारी:कर्मचारी हकहित र स्वच्छ नेतृत्वको प्रतिबद्धता!

देश

गृहपृष्ठ
देश

ने.वि.प्रा.कर्मचारी संघको अध्यक्ष पदमा टंक अधिकारिको उम्मेदवारी:कर्मचारी हकहित र स्वच्छ नेतृत्वको प्रतिबद्धता!

हेर्नेपाटी मंगलबार, जेठ १३, २०८२

आगामी जेठ ३० र ३१ गते काठमाडौमा हुने नेपाल विद्युत प्राधिकरण कर्मचारी संघको १३ औँ अधिवेशनमा टंक अधिकारिले अध्यक्ष पदमा आफ्नो उम्मेद्बारी घोषणा गर्नु भएको छ।

“स्वच्छ प्रशासन, सक्षम नेतृत्व आजको आवश्यकता ; संस्थागत विकास र कर्मचारी हकहित हाम्रो प्रतिबद्धता” भन्ने मूल मन्त्रलाई आधार बनाई उहाँले आफ्नो उम्मेदवारी सार्वजनिक गर्नुभएको हो।
सरल, मिजासिलो स्वभाव, सबै कर्मचारीसँग आत्मीयता, र उनीहरूको भावना बुझ्न सक्ने क्षमताका कारण अधिकारिको छवि संगठनभित्र समावेशी र विश्वासिलो र लोकप्रिय नेताका रूपमा स्थापित छ।

प्राधिकरणमा लामो समयदेखि क्रियाशील रहँदै आएका अधिकारि कर्मचारीहरूको हकहित, सेवा सुविधा, कार्यक्षमता अभिवृद्धि र संस्थागत सुधारका पक्षमा निरन्तर आवाज उठाउँदै आउनुभएको छ।
उहाँको उम्मेदवारीले संगठनलाई सशक्त, उत्तरदायी र पारदर्शी बनाउने अपेक्षा राखिएको छ। कर्मचारीहरूबीच एकताको भावना बलियो पार्दै, संस्थालाई सबल बनाउने अभियानमा उहाँको नेतृत्व प्रभावकारी हुने विश्वास गरिएको छ।