वडा स्तरीय टी-२० क्रिकेट प्रतियोगिता : आइतबार देवचुली १६ र ७ बिजयी

देवचुली

गृहपृष्ठ
देवचुली

वडा स्तरीय टी-२० क्रिकेट प्रतियोगिता : आइतबार देवचुली १६ र ७ बिजयी

राजन थकाली आइतबार, फागुन १०, २०८२

देवचुली
देवचुली नगरपालिका युवा तथा खेलकुद विकास समितिको आयोजनामा सञ्चालन भइरहेको तेस्रो वडा स्तरीय टी-२० क्रिकेट प्रतियोगिता २०८२ मा आज सम्पन्न भएको खेलमा देवचुली १६ र देवचुली ७ ले महत्वपूर्ण जित निकालेको छ।
आज सम्पन्न भएको खेलमा देवचुली १६ ले देवचुली १ लाई ८९ रनले र अर्को खेलमा देवचुली ७ ले देवचुली ३ लाई ५२ रनले पराजित गरेको देवचुली नगरपालिका युवा तथा खेलकुद विकास समिति प्रकाश काफ्लेले जानकारी दिएका छन्। काफ्लेका अनुसार आजको खेलमा वडा न १६ का मुनाल लुङ्गेलि र देवचुली ७ का ओमन सेन्चुरी म्यान अफ द म्याच हुन सफल भएका छन्।
प्रतियोगितामा देवचुली नगरपालिकाका विभिन्न वडाहरूलाई तीन समूहमा विभाजन गरिएको र समूह चरणबाट उत्कृष्ट हुने टिमहरू नकआउट चरणमा प्रवेश गर्दै अगाडि बढ्ने आयोजकले जनाएका छन्। समितिका अनुसार स्थानीय युवाहरूमा खेलकुदप्रतिको रुचि बढाउने, प्रतिभावान् खेलाडी उत्पादन गर्ने तथा स्वस्थ प्रतिस्पर्धाको विकास गर्ने उद्देश्यले प्रतियोगिता आयोजना गरिएको हो।
प्रतियोगितामा विजेता हुने टिमले नगद ४५ हजार रुपैयाँ सहित मेडल र ट्रफी प्राप्त गर्नेछ भने उप अबिजेता हुने टिमले नगद २२ हजार रुपैयाँ सहित मेडल र ट्रफी प्राप्त गर्नेछन् । त्यसै गरि सेमिफाइनलमा पुग्ने टिमले ७ हजार ५ सय रुपैयाँ प्राप्त गर्नेछन् ।

प्रकाशित मिति: आइतबार, फागुन १०, २०८२ २०:१२