देवचुली ,
पशुपति वैदिक आश्रम देवचुली १५, प्रगतिनगरमा संचालित महायज्ञमा आज एकै दिन ५ लाख १५ हजार नगद दान रकम संकलन भएको छ।
भागतालेकर पण्डित नेत्र पराजुली नारोतमशरण ले कथा प्रवचन गर्नुभएको महायज्ञमा आज देवचुली १३ निवासी चन्द्र बहादुर थापा र सिता थापाले १ लाख ५ हजार ५ सय ५ , देवचुली १५ निवासी विष्णु प्रसाद बास्तोलाले ५१ हजार ५ सय ५५ , देवचुली १० निवासी रविलाल न्यौपानेले ५१ हजार १ सय ११ सहित अन्य विभिन्न संघ संस्था तथा व्यक्तिहरुले गरेको सहयोग गरि उक्त रकम संकलन भएको यज्ञ सम्पादन मूल समितिका सचिव होमनाथ जैसीले जानकारी दिएनुभएको छ।
८ दिन सम्म संचालन हुने अखिल नेपाल देशीय चतुर्थ वेदान्त भक्ति सम्मेलन तथा श्रीमद्भागवत धनधन्याञ्चल ज्ञान महायज्ञमा दैनिक रुपमा पूर्वनिर्धारित कार्यक्रमहरु नियमित रुपमा संचालन भइरहेका छन्।
महायज्ञमा हरेक दिन बिहान ७ बजे बाट ११ बजे सम्म नियमित पाठ परायण , दिउसो १२ बजे देखि साँझ ४ : ३० सम्म श्रीमद्भागवत कथा प्रवचन , प्रत्यक दिन साँझ ५ बजे सम्म आरति ,पुष्पान्जली तथा प्रसाद ग्रहण तथा सांझ ७ बजे देखि ९ बजे सम्म सायंकालिन भजनकिर्तन लगायतका कार्यक्रमहरु रहेनेछ।
यज्ञ सम्पादन मूल समितिका सचिव जैसीका अनुसार यस महायज्ञले आश्रमको विकास, वैदिक परम्पराको संरक्षण र धार्मिक पर्यटन प्रवर्द्धनमा समेत टेवा पुग्ने विश्वास लीइएको छ भने यज्ञ अवधिभर भूमिदान, तुलादान, रुद्राभिषेक, चौरासी पूजा, ग्रहपूजन, व्रतबन्ध र हवनजस्ता याज्ञिक विधिहरू निरन्तर सञ्चालन भइरहनेछन्। महायज्ञमा हाल सम्म करिब ६० मुरी धान संकलन भएको छ ।
-1764419330.jpeg)
-1764300241.jpeg)
