देवचुली ,
देवचुली १५, प्रगतिनगरमा रहेको पशुपति वैदिक आश्रममा संचालित अखिल नेपाल देशीय चतुर्थ वेदान्त भक्ति सम्मेलन तथा श्रीमद्भागवत धनधन्याञ्चल ज्ञान महायज्ञको तेस्रो दिन सम्पन्न भएको छ। तेस्रो दिन देवघाटधामबाट पाल्नुभएका गुरु अनन्त श्री अद्वयेतानन्द १००८ स्वामीले अमृत वाणी तथा कथा वाचन गर्नुभएको थियो।
महायज्ञमा दैनिक रुपमा पूर्वनिर्धारित कार्यक्रमहरु नियमित रुपमा संचालन भइरहेका छन्। महायज्ञमा हरेक दिन बिहान ७ बजे बाट ११ बजे सम्म नियमित पाठ परायण , दिउसो १२ बजे देखि साँझ ४ : ३० सम्म श्रीमद्भागवत कथा प्रवचन , प्रत्यक दिन साँझ ५ बजे सम्म आरति ,पुष्पान्जली तथा प्रसाद ग्रहण तथा सांझ ७ बजे देखि ९ बजे सम्म सायंकालिन भजनकिर्तन लगायतका कार्यक्रमहरु रहेनेछ।
यज्ञ सम्पादन मूल समितिका सचिव होमनाथ जैसीका अनुसार यस महायज्ञले आश्रमको विकास, वैदिक परम्पराको संरक्षण र धार्मिक पर्यटन प्रवर्द्धनमा समेत टेवा पुग्ने विश्वास लीइएको छ भने यज्ञ अवधिभर भूमिदान, तुलादान, रुद्राभिषेक, चौरासी पूजा, ग्रहपूजन, व्रतबन्ध र हवनजस्ता याज्ञिक विधिहरू निरन्तर सञ्चालन भइरहनेछन्।
सोहि अन्तर्गत आज पशुपति वैदिक आश्रमका उपाध्यक्ष देवचुली १५ निवासी देवी प्रसाद खनालको १ लाख २५ हजार सहित अन्य विभिन्न संघ संस्था तथा व्यक्तिहरुले गरेको सहयोग गरि करिब २ लाख बराबरको दान संकलन भएको छ।
महायज्ञमा हरेक दिन साँझ ५:३० बजे सचिवालय बैठक तथा आय–व्यय अभिलेखन तथा ७ देखि ९ बजेसम्म सन्ध्याकालीन भजन–कीर्तन सञ्चालन हुनेछ भने यो यज्ञ आठ दिनसम्म चल्नेछ। महायज्ञमा नियमित हुने आरतिमा आज१५ जना कर्ताको सहभागिता रहेको थियो।
-1764419330.jpeg)
-1764300241.jpeg)
