पशुपति वैदिक आश्रममा हुने महायज्ञको तयारि तिब्र

देवचुली

गृहपृष्ठ
देवचुली

पशुपति वैदिक आश्रममा हुने महायज्ञको तयारि तिब्र

राजन थकाली मंगलबार, मंसिर ९, २०८२

देवचुली
पशुपति वैदिक आश्रम देवचुली १५ प्रगतिनगरमा अखिल नेपाल देशीय चतुर्थ वेदान्त भक्ति सम्मेलन तथा श्रीमद्भागवत महापुराण धनधन्याञ्चल ज्ञान महायज्ञ २०८२ हुने भएको छ। यो संगै यसको तयारि तिब्र रुपमा अगाडी बढेको यज्ञ सम्पादन मूल समिति संयोजक अग्निप्रसाद पाण्डेले जानकारी दिनुभएको छ।
पाण्डेका अनुसार आश्रमको समग्र पक्षको स्तरोन्नति एवम् समाज , राष्ट्र र विश्व शान्तिको कामना गर्दै उक्त ज्ञान महायज्ञको आयोजना गरिएको हो। महायज्ञ आगामी मङ्सिर ११ गते देखि १८ गते सम्म संचालन हुनेछ। यज्ञ सम्पादन मूल समितिका सचिव होमनाथ जैसीले उक्त अवधिमा पहिलो दिन मङ्सिर ११ गते कलश शोभा यात्रा र यज्ञ प्रारम्भ , १२ गते देखि प्रत्यक दिन ७ बजे बाट ११ बजे सम्म नियमित पाठ परायण , दिउसो १२ बजे देखि साँझ ४ : ३० सम्म श्रीमद्भागवत कथा प्रवचन , प्रत्यक दिन साँझ ५ बजे सम्म आरति ,पुष्पान्जली तथा प्रसाद ग्रहण तथा सांझ ७ बजे देखि ९ बजे सम्म सायंकालिन भजनकिर्तन लगायतका कार्यक्रमहरु रहेको बताउनुभएको छ। ८ दिन सम्म संचालन हुने धन धान्याचलका लागि आश्रमका संरक्षक एवम् अध्यक्ष गुरु संहिता शास्त्री अर्जुनप्रसाद वास्तोला तथा पीठाधीश श्री १००८ स्वामी स्वरुपानन्द सरस्वतीजी महाराजको संकल्प सहितको मार्गदर्शनमा उक्त ज्ञान महायज्ञ सम्पन्न हुनेछ।

प्रकाशित मिति: मंगलबार, मंसिर ९, २०८२ २०:४४