संसद्‍ अवरोध खुलाउने विषयमा शीर्ष नेताहरूको बैठक जारी

राजनिति

गृहपृष्ठ
राजनिति

संसद्‍ अवरोध खुलाउने विषयमा शीर्ष नेताहरूको बैठक जारी

हेर्नेपाटी सोमबार, साउन २२, २०८०

काठमाडौँ

संसद्‍ अवरोध खुलाउने सम्बन्धमा शीर्ष नेताहरूको छलफल चलिरहेको छ । प्रतिनिधिसभाका सभामुख देवराज घिमिरेको बानेश्वरस्थित कार्यकक्षमा अपराह्न साढे ३ बजेपछि शीर्ष नेताहरूको बैठक बसेको हो ।

दिउँसो १ बजे बसेको बैठकले ठोस निर्णय गर्न नसकेपछि नेताहरू पुन: छलफलमा जुटेका हुन् । सुन प्रकरणमा उच्चस्तरीय छानबिन समिति गठनको माग गर्दै नेकपा एमालेका सांसदहरूले विरोध जनाएपछि संसद्‍ अवरुद्ध हुँदै आएको छ ।

संसद्‍ अवरोध हटाउनका लागि सभामुखको समन्वयमा प्रधानमन्त्री एवं माओवादी केन्द्रका अध्यक्ष पुष्पकमल दाहाल, पूर्वप्रधानमन्त्री एवं कांग्रेसका सभापति शेरबहादुर देउवा, पूर्वप्रधानमन्त्री एवं नेकपा एमालेका अध्यक्ष केपी शर्मा ओली लागयत प्रमुख दलका शीर्ष नेताहरूले छलफल गरेका हुन् ।

बैठकमा सहभागी नेताहरूले छलफल सकारात्मक रुपमा अगाडि बढेको बताउँदै आएका छन् । यसअघि प्रधानमन्त्री दाहालले सञ्चारकर्मीहरूलाई प्रतिक्रिया दिँदै संसद्‍ खुलाउने सवालमा शीर्ष नेताहरू सकारात्मक रहेको बताएका थिए ।

साभारःईकान्तिपुरबाट

प्रकाशित मिति: सोमबार, साउन २२, २०८० १७:०३