प्रथम वडा स्तरिय खेलकुद महोत्सवको समिक्षा कार्यक्रम सम्पन्न, दोस्रो संस्करण देवचुली १७ मा हुने

देवचुली

गृहपृष्ठ
देवचुली

प्रथम वडा स्तरिय खेलकुद महोत्सवको समिक्षा कार्यक्रम सम्पन्न, दोस्रो संस्करण देवचुली १७ मा हुने

राजन थकाली शनिबार, जेठ ६, २०८०

देवचुली

गत बैशाख २२ र २३ गते वडा बाल सञ्जाल देवचुली १६ ले आयोजना गरेको प्रथम वडा स्तरीय खेलकुद महोत्सवको समीक्षा कार्यक्रम आज सम्पन्न भएको छ। सञ्जालका अध्यक्ष शिशिर आचार्यको अध्यक्षता सम्पन्न कार्यक्रममा देवचुली नगरपालिकाका बाल परामर्शदाता खिमानन्द भुसालको प्रमुख आतिथ्यता रहेको थियो। देवचुली नगरपालिकाको सहयोगमा बाल सञ्जाल देवचुली १६ ले खेलकुद महोत्सवको आयोजना गरेर यस क्षेत्रको खेलकुदको विकासमा महत्वपूर्ण भूमिका निर्वाह गरेको प्रमुख अतिथि भुसालले बताएका छन्।

No description available.

कार्यक्रममा विशेष अतिथि समेत रहेका वडा अध्यक्ष केशवराज गौतमले आफ्नो वडाका बाबुनानीहरूले गरेको कार्यक्रमले आफू अति नै प्रभावित भएकाले आगामी दिनमा बाल क्लबलाई सक्दो सहयोग गर्ने प्रतिवद्धता गरेका थिए। सञ्जालका अध्यक्ष आचार्यले अबका दिनमा देवचुली भित्रका बाल सञ्जालहरू सक्रिय हुँदै सामाजिक , शैक्षिक सँगै खेलकुद क्षेत्रमा अगाडि बढ्न आवश्यक भएकाले यसको सुरुवात देवचुली १६ बाट गरिएको बताएका छन्।

कार्यक्रममा छलफल गर्दै वडा स्तरीय खेलकुद महोत्सवको दोस्रो संस्करण देवचुली १७ ले गर्ने निर्णय भएको बाल सञ्जाल देवचुली १६ का अध्यक्ष आचार्यले हेर्नेपाटीलाई बताएका छन्। आचार्यका अनुसार दोस्रो संस्करण कसले गर्ने भन्ने विषयमा देवचुली १७ र २ को बिचमा कुरा नमिले पछि गोला प्रथाबाट देवचुली १७ छनौट भएको हो।

प्रकाशित मिति: शनिबार, जेठ ६, २०८० २१:२२