संघीय खानेपानी पोखराद्वारा अमरापुरी खानेपानीको निरीक्षण

गैंडाकोट

गृहपृष्ठ
गैंडाकोट

संघीय खानेपानी पोखराद्वारा अमरापुरी खानेपानीको निरीक्षण

एलिना केसी शनिबार, जेठ ६, २०८०

गैंडाकोट,

संघीय खानेपानी तथा ढल व्यवस्था आयोजना पोखराका आयोजना प्रमुख चोकप्रसाद धिताल र ईन्जिनियर सागर बस्याल सहितको टोलीले अमरापुरी खानेपानी संस्थाको निरिक्षण गरेको छ । शुक्रबार गैंडाकोट नगरपालिकामा रहेको अमरापुरी खानेपानी तथा सरसफाई उपभोक्ता संस्थाको निरिक्षण गर्दै खानेपानी संस्थाको हालको अवस्था र आगामी योजनाको विषयमा छलफल गरिएको थियो ।
अमरापुरी खानेपानी संस्थाका अधुरो रहेका काम र योजनालाई तत्कालै सम्पन्न गर्ने विषयमा संस्थाका पदाधिकारीहरु बिच छलफल भएको थियो । संस्थाका अध्यक्ष मनहरि सापकोटाका अनुसार पोखराबाट आएको टोलीले खानेपानीको मुहान देखि अवलोकन गरेको र त्यहाँ भएका समस्यालाई समाधान कसरी गर्ने भन्ने विषयमा पनि छलफल भएको बताउनुभएको छ ।
अन्तरक्रिया कार्यक्रममा अमरापुरी खानेपानी तथा सरसफाई उपभोक्ता समितिका व्यवस्थापक मनबहादुर रानाभाट, अध्यक्ष मनहरि सापकोटा, उपाध्यक्ष गंगादेवी सुवेदी, सचिव हिरालाल सापकोटा, कोषाध्यक्ष कमला गुरुङ लगायत अन्य पदाधिकारीहरुको उपस्थिती रहेको थियो ।

प्रकाशित मिति: शनिबार, जेठ ६, २०८० १७:२२