जताजता मुद्दा हाल्नुपर्छ हाले हुन्छ, म डराउनेवाला छैन: रवि लामिछाने

राजनिति

गृहपृष्ठ
राजनिति

जताजता मुद्दा हाल्नुपर्छ हाले हुन्छ, म डराउनेवाला छैन: रवि लामिछाने

हेर्नेपाटी मंगलबार, चैत २१, २०७९

चितवन, चैत २१-

राष्ट्रिय स्वतन्त्र पार्टीका सभापति रवि लामिछानेले आफूलाई मुद्दामाथि मुद्दा हालेर सिध्याउने षड्यन्त्र भइरहेको बताएका छन्। चितवन क्षेत्र नम्बर २ को उपनिर्वाचनमा उम्मेदवार बनेका लामिछानेले भरतपुरमा आयोजित कोणसभालाई सम्बोधन गर्दै आफूलाई मुद्दामाथि मुद्दा हालेर सिध्याउने षड्यन्त्र भइरहेको बताएका हुन् ।

उनले आफुलाई जति मुद्दा हाले पनि आफू नडराउने बताए।‘जताजता मुद्दा हाल्नुपर्छ हाले हुन्छ, देशमा हालेर पुग्दैन भने विदेशमा पनि हाले हुन्छ’, लामिछानेले भने, ‘म यस्ता मुद्दाबाट डराउनेवाला छैन। ५ वर्षपछि राष्ट्रिय स्वतन्त्र पार्टीको एकल सरकार कसैले रोकेर रोकिने वाला छैन।’

आफूले पुराना भ्रष्टाचारको फाइल खोल्ने भनेर संसदमै उद्घोष गरेकाले आफूलाई सिध्याउन भएभरको स्रोत साधन लगाइएको लामिछानेको आरोप छ । आफूले कुनै अपराध नगरेको भन्दै उनले आफ्नो अवस्थाबारे कुनै नलुकाइ इमानदारिता पूर्वक बताएको उल्लेख गरे।

साभार : नारायणीअनलाईनबाट

प्रकाशित मिति: मंगलबार, चैत २१, २०७९ १२:५७