रा.प्र.पा देवचुलीद्वारा मिगौला पीडित महत्तोलाई आर्थिक सहयोग

देवचुली

गृहपृष्ठ
देवचुली

रा.प्र.पा देवचुलीद्वारा मिगौला पीडित महत्तोलाई आर्थिक सहयोग

माधव सुवेदी 2077-06-07

देवचुली,

देवचुली नगरपालिका वडा नं १६ रजहरका मिगौला पीडित ३४ बर्षीय वेद बहादुर महत्तोलाई रा.प्र.पा देवचुलीले आर्थिक सहयोग गरेको छ। बुधबार राष्ट्रिय प्रजातन्त्र पार्टी देवचुलीले महत्तोको डाइलासिस उपचारको लागि दस हजार पाँच सय रुपैया सहयोग हस्तान्तरण गरेको हो । हस्तान्तरण कार्यक्रममा राष्ट्रिय प्रजातन्त्र पार्टी देवचुलीका अध्यक्ष शसी किरण सुवेदी र राष्ट्रिय प्रजातान्त्रिक युवा संगठन का सदस्य सन्तोष थापा सहितको टोलीको उपस्थितीमा सहयोग गरिएको थियो ।

महत्तोको विगत ४ बर्ष देखि दुवै मिगौला फेल भई उपचारका लागि चितवन मेडिकल कलेज (सिएमसि) मा डायलासिस गराउँदै आईरहेका छन् । महत्तोले हप्ताको दुईपटक डायलासिस गर्नुपर्ने र आर्थिक अवस्था कमजोर भएकाले उनलाई उपचारमा कठिनाई भएको बताएका छन् । नेपाल सरकारबाट निशुल्क डायलासिस गरेपनि डायलासिस गर्न अस्पताल सम्म जान कठिनाई परेकाले सहयोगको अपिल गरेका थिए ।

राष्ट्रिय प्रजातन्त्र पार्टी राप्रपाले औषधी उपचारका लागि आर्थिक सहयोग गरेकोमा महतोले धन्यवाद दिए । सहोयोगी मनहरुलाई सहयोग गरिदिन समेत उनले सबैसंग अनुरोध गरेका छन् ।

प्रकाशित मिति: बुधबार, असोज ७, २०७७ १२:०९