रास्वपा देवचुलीद्वारा नगर शिक्षा, युवा तथा खेलकुद शाखालाई ज्ञापन पत्र

देवचुली

गृहपृष्ठ
देवचुली

रास्वपा देवचुलीद्वारा नगर शिक्षा, युवा तथा खेलकुद शाखालाई ज्ञापन पत्र

राजन थकाली सोमबार, वैशाख ८, २०८२

देवचुली
राष्ट्रिय स्वतन्त्र पार्टी देवचुली नगरपालिकाले शिक्षा, युवा तथा खेलकुद शाखा देवचुलीलाई ज्ञापन पत्र बुझाएको छ। रास्वपा देवचुलीका नगर सभापति क्याप्टेन शेर बहादुर केसीको संयोजकत्वमा उक्त ज्ञापन पत्र बुझाएको हो।

ज्ञापन पत्रमा शिक्षा नियमावली - २०२८ को नवौँ संशोधन २०७४ अनुसार आधारभूत तह अनिवार्य र निःशुल्क, माध्यमिक तह निःशुल्क व्यवस्था भएको भएता पनि हालसम्म यसको कार्यान्वयन कुनै पनि सामुदायिक विद्यालयमा नभएको र सामुदायिक विद्यालयले विभिन्न सहयोगको नाममा चर्को शुल्क लिने गरेको र र नेपाल सरकारले अनुमोदन गरेको पाठ्यक्रम र पाठ्यपुस्तकको प्रयोग नगरी निजी प्रकाशनका पाठ्यपुस्तक प्रयोग गर्ने गरेको भन्दै अभिभावकहरूको जनगुनासो आएको जनाइएको छ।

रास्वपा देवचुलीका नगर सभापति क्याप्टेन केसीका अनुसार उल्लेखित विषयमा रास्वपा देवचुलीको गम्भिर ध्यानाकर्षण भएकोले प्रचलित शिक्षा ऐन र शिक्षा नियमावली अनुसार भए गरेको व्यवस्था गर्न गराउनको लागी ज्ञापन पत्र बुझाइएको हो। साथै हाल शिक्षकहरू आन्दोलनमा गई सामुदायिक विद्यालयको पठनपाठन अस्तव्यस्त भएकोले तत्काल शिक्षकको मागहरू पुरा गरी नियमित रुपमा विद्यालय सञ्चालन गर्न गराउन समेत ध्यानाकर्षण गरेको छ।

प्रकाशित मिति: सोमबार, वैशाख ८, २०८२ २०:४७