पशुपति वैदिक आश्रममा तृतीय अखिल नेपाल देशीय वेदान्त सन्त सम्मेलन सुरु

देवचुली

गृहपृष्ठ
देवचुली

पशुपति वैदिक आश्रममा तृतीय अखिल नेपाल देशीय वेदान्त सन्त सम्मेलन सुरु

एलिना केसी सोमबार, मंसिर २४, २०८१

देवचुली,

देवचुली नगरपालिका वडा नं १५ प्रगतिनगरमा अवस्थित पशुपति वैदिक आश्रममा तृतीय अखिल नेपाल देशीय वेदान्त सन्त सम्मेलन एवम् धन धान्यान्चल ज्ञान महायज्ञ सुरु भएको छ । सोमबार पशुपति साङ्वेद आवसीय संस्कृत माध्यमिक विद्यालयको प्राङ्गणमा सम्मेलनको समुद्घाटन गरिएको छ । धन धान्याचलका लागि प्रमुख संरक्षक अध्यक्ष गुरु संहिता शास्त्री अर्जुनप्रसाद वास्तोला, पीठाधीश श्री १००८ स्वामी स्वरुपानन्द सरस्वतीजी महाराज, प्रमुख सल्लाहकार धर्मराज बराल, यज्ञ सम्पादन मूल समितिका संयोजक उद्योग बहादुर श्रेष्ठ लगायतको सहभागीतामा सन्त सम्मेलनको समुद्घाटन गरिएको हो । May be an image of 3 people and text सन्त सम्मेलन समुद्घाटन कार्यक्रममा देवचुली नगरपालिकाका विभिन्न वडाका आमा समूह, विभिन्न संघस‌स्थाका पदाधिकारीहरुको उपस्थिति रहेको थियो । यसैगरि कार्यक्रममा देवचुली नगरपालिका वडा नं १० का वडाध्यक्ष रेप्ती कुमार घर्ती, वडा नं १५ का वडाध्यक्ष सुरेश कुमार रानाभाट लगायतको उपस्थिति रहेको थियो । May be an image of 5 people, temple and text पशुपति वैदिक आश्रम शिवालय परिसर देखि सुरु भएको शोभा यात्रा मन्दिरको गेट हुँदै धौलागिरी चोक, जनज्योति मार्ग, प्रगतिनगर बजार हुँदै प्रगति मार्गबाट पुनः आश्रम पुगेका थिए । शोभायात्रा कार्यक्रम पश्चात धन धान्याचल पर्वतमा धान खन्याई सन्त सम्मेलनको शुभारम्भ गरिएको थियो ।
राष्ट्र र विश्वशान्तिको कामना गर्दै समग्र पक्षको स्तरोन्नती एवम् पशुपति वैदिक आश्रममा आश्रित ७० जना बटुकहरुको आवसीय, भोजन भण्डारा आदिको समुचित व्यवस्थापनका लागि आश्रमले विगत देखि नै धन धान्याचल ज्ञान महायज्ञ आयोजना गर्दै आइरहेको हो । May be an image of 3 people, temple and text कार्यक्रमको अध्यक्षता यज्ञ सम्पादन मूल समितिका संयोजक उद्योग बहादुर श्रेष्ठले गर्नुभएको थियो । कार्यक्रममा बोल्दै पीठाधीश श्री १००८ स्वामी स्वरुपानन्द सरस्वतीजी महाराजले हरेक बर्ष सन्त सम्मेलन गर्न पाउनु निकै राम्रो कार्य भएको भन्दै सम्पूर्णलाई दैनिक रुपमा सहभागी भई सफल पार्न आग्रह गर्नुभएको थियो । May be an image of 1 person, temple and text वि.सं २०४६ साल देखि संस्कृत विद्यालय गुरुकुलीय परम्पराले चलिरहेको संस्थामा हाल ७० जना विद्यार्थीलाई आवास एवं भोजनको व्यवस्था गरिरहेको छ । संस्थाका निर्माण कार्य अन्तर्गत रहेका मंदिर, गुरु समाधि, संतनिवास, भक्त निवास, पाठशाला, यज्ञशाला, गौशाला, लगायतको गुरु योजनाका निम्ति सहयोग संकलनका लागि हरेक बर्ष महायज्ञ संचालन गर्नुपर्ने बाध्यतमक परिस्थति रहेको छ । May be an image of 5 people, temple and text आज सोमबार पहिलो दिनको कार्यक्रमको सहजीकरण सचिव होमनाथ जैसीले गर्नुभएको थियो । मंसिर २४ गते सोमबार देखि ३० गते आइतबार सम्म पशुपति वैदिक आश्रम प्राङ्गण, शिवालय मन्दिरमा महायज्ञ हुनेछ । महायज्ञ अवधिभर दैनिक पूजा अर्चना, शतचण्डी पाठपारायण एवम् हवन, सन्त प्रवचन, तुलादान, लक्षवर्ती दीप प्रज्वलन लगायतका कार्यक्रम हुनेछ । May be an image of 7 people, temple, street and text May be an image of 10 people, temple and text May be an image of 8 people, temple and text