देवचुलीका मौरीपालक किसानलाई मौरी घार तथा आधार चाका वितरण

देवचुली

गृहपृष्ठ
देवचुली

देवचुलीका मौरीपालक किसानलाई मौरी घार तथा आधार चाका वितरण

एलिना केसी आइतबार, जेठ १३, २०८१

देवचुली,

देवचुली नगरपालिकाका मौरीपालक कृषकलाई आवश्यक सामाग्री वितरण गरिएको छ । आइतबार देवचुली नगरपालिका कृषि शाखाको आयोजनामा कृषि उपज संकलन केन्द्र जलुकेमा देवचुली नगरपालिकाका मौरी पालक कृषकहरुलाई मौरी घार तथा आधार चाका वितरण गरिएको हो । May be an image of 2 people and text
देवचुली नगरपालिकाको आर्थिक वर्ष २०८०/०८१ को मौरीपालक कृषकहरुलाई प्रवद्र्धनात्मक कार्यक्रम अन्तर्गत कृषकको ५० प्रतिशत अनुदानमा १ सय ४० वटा मौरी घार र दुई कुइन्टल १० किलो चाका वितरण गरिएको छ । May be an image of 3 people, people smiling, hospital, dais and text
कार्यक्रममा बोल्दै मौरी पालक महासंघ जिल्ला शाखा अध्यक्ष यदुनाथ कंडेलले जिल्लाका अन्य पालिकामा भन्दा देवचुलीमा मौरी पालन व्यवसायले फड्को मारेको बताउँदै यसलाई आगामी दिनमा पनि निरन्तरता दिन आग्रह गर्नुभएको थियो । May be an image of 4 people, dais and text that says "मिति: २०८१ जेष्ठ 39 स्थान: कषि उपज संकलन केन्द्र (जलुके) न.पा.-१०. न.पा. -90. पर्वीनगर देववली कृषि"
यस्तै देवचुली नगरपालिका वडा नं ९ का वडाध्यक्ष बलिराम सापकोटाले देवचुली नगरपालिकालाई मौरी र यहाँको उत्पादकत्वसँग जोड्न नसक्दा समुदायलाई बुझाउन नसकिएको बताउँदै नगरपालिकाले कृषक समितिसँग जोडिएर यस्ता कार्यक्रम गर्न सके भविष्यमा देवचुलीलाई मौरी र महको हब बनाउन सकिने बताउनुभएको थियो । May be an image of text
कार्यक्रममा देवचुली नगरपालिका कृषि शाखा प्रमुख गगन भट्टराईले मौरीपालक कृषकको लागि कृषि शाखाले विभिन्न कार्यक्रममा सहयोग गरिरहेको बताउँदै कृषकलाई व्यवसायिक र आत्मनिर्भर बनाउन आवश्यक सामाग्री वितरण गरिएको बताउनुभयो । May be an image of 9 people, clarinet and text
कार्यक्रममा अध्यक्षता गरिरहनुभएका देवचुली नगरपालिकाका नगरप्रमुख हरि प्रसाद न्यौपानेले नगरपालिका भित्र मौरीको चरन क्षेत्र नहुँदा मौरीपालक कृषकहरुलाई धेरै समस्या भइरहेको महशुस गरेको र यसको न्यूनिकरणमा नगरपालिका लागेको बताउनुभयो । May be an image of 5 people, hospital and text
देवचुली नगरपालिकाका नगरप्रमुख हरिप्रसाद न्यौपानेको अध्यक्ष अध्यक्षतामा सम्पन्न कार्यक्रममा देवचुली नगरपालिकाका उपप्रमुख पार्वता तिवारी, प्रमुख प्रशासकीय अधिकृत मुकुन्द शर्मा, लेखा अधिकृत नारायण ढकाल, देवचुली वडा नं ८ का वडाध्यक्ष नुन प्रसाद बाचे, वडा नं ९ का वडाध्यक्ष बलिराम सापकोटा, वडा नं १० का वडाध्यक्ष रेप्तीकुमार घर्ती,वडा न‌ १५ का वडाध्यक्ष सुरेशकुमार रानाभाट, मौरी पालक महासंघ जिल्ला शाखा अध्यक्ष यदुनाथ कंडेल, नगरस्तरीय मौरीपालक कृषक समूहका अध्यक्ष शोभाकान्त रेग्मी लगायतको उपस्थिति रहेको थियो । May be an image of 1 person and text
कार्यक्रममा नगरस्तरीय मौरीपालक कृषक समूहका अध्यक्ष शोभाकान्त रेग्मीले स्वगत मन्तव्य राख्नुभएको कार्यक्रममा देवचुली नगरपालिका कृषि शाखाका नरेन्द्र भण्डारीले सहजीकरण गर्नुभएको थियो ।