पृथ्वी मा.विका किशोरी खेलाडीहरुलाई जर्सी सेट हस्तान्तरण

देवचुली

गृहपृष्ठ
देवचुली

पृथ्वी मा.विका किशोरी खेलाडीहरुलाई जर्सी सेट हस्तान्तरण

एलिना केसी शुक्रबार, भदौ २९, २०८०

देवचुली,

राष्ट्रिय बाल दिवसको अवसरमा किशोरी भलिबल समूहलाई खेल सामग्री हस्तान्तरण गरिएको छ । जागृती बाल तथा युवा सरोकार नेपालको आयोजनामा देवचुली १० पृथ्वी माध्यमिक विद्यालयका किशोरी भलिबल समुहलाई खेल सामग्री हस्तान्तरण गरिएको छ । शुक्रबार विद्यालयमा किशोरीहरुको खेलकुदमा सहभागिता अभिवृद्धि विषयक छलफल कार्यक्रमको आयोजना गरि जर्सी सेट खेलाडीहरुलाई हस्तान्तरण गरिएको हो । No description available.
पृथ्वी माध्यमिक विद्यालय व्यवस्थापन समितिका अध्यक्ष हरि बहादुर घर्ती मगरको अध्यक्षता रहेको कार्यक्रममा देवचुली वडा नं १० का वडाध्यक्ष रेप्ती कुमार घर्तीको प्रमुख आतिथ्यता रहेको थियो । कार्यक्रममा बोल्दै प्रमुख अतिथी घर्तीले भलिबल खेलमा किशोरी खेलाडीको सहभागिता देख्दा आँफूलाई खुशी लागेको बताउँदै किशोरीहरुलाई खेल सामग्री वितरण गर्दा उनीहरुमा थप हौसला मिल्ने बताउनुभएको थियो । उहाँले वडा मार्फत खेलकुदमा अहिले गतबर्षको तुलनामा केहि मात्र बढि रकम छुटाइएको बताउनुभएको थियो । No description available.
कार्यक्रममा जागृती बाल तथा युवा सरोकार नेपालका महासचिव दिपक शर्माले खेलाडीहरुको आवश्यकतालाई बुझि सहयोग गर्न सके खेलबाट खेलाडीले ईतिहास रच्न सक्ने बताउनुभएको थियो । शर्माले सानो सहयोगले खेलाडीको आवश्यकतालाई पुरा गर्न सक्ने साथै उनीहरुको होसला बढ्ने बताउँदै किशोरीका क्षेत्रमा विगतका दिन देखि संस्थाले धेरै काम गरेको बताउनुभएको थियो । किशोरीहरुलाई हौसला दिई अगाडि बढाउने हो भने भविष्यमा राष्ट्रिय तथा अन्तराष्ट्रिय क्षेत्रमा यिनै किशोरी खेलाडीले विद्यालयको मात्रै नभई देशको नाम राख्ने शर्माले बताउनुभयो । No description available.
कार्यक्रममा विद्यालयका प्रधानाध्यापक जयनारायण सापकोटाले विद्यालयका भलिबल किशोरी खेलाडीको आवश्यकतालाई बुझि जर्सी वितरण गर्ने जागृती बाल तथा युवा सरोकार नेपाललाई धन्यवाद व्यक्त गर्दै विगतका दिनमा यस संस्था मार्फत विद्यालयमा किशोरीहरुका लागि शौचालय निर्माण भइसकेको बताउनुभयो । आगामी दिनमा पनि संस्थासँग सहकार्य गरि अगाडि बढ्नेमा प्रतिबद्धता व्यक्त गर्नुभएको थियो । No description available.
नगर खेलकुद विकास देवचुलीका अध्यक्ष चन्द्रबहादुर थापा मगर लगायत विद्यार्थी, शिक्षक र किशोरी खेलाडीहरुको उपस्थिति रहेको थियो । विद्यालयका भलिबल किशोरीहरुलाई एक–एक थान जर्सी वितरण गरिएको थियो । No description available.