एकता सामुदायिक वनको तीन दिने नेतृत्व विकास तालिम सम्पन्न

देवचुली

गृहपृष्ठ
देवचुली

एकता सामुदायिक वनको तीन दिने नेतृत्व विकास तालिम सम्पन्न

राजन थकाली आइतबार, जेठ ७, २०८०

देवचुली,

एकता सामुदायिक वन देवचुली ११ ले आफ्नो २५ जना उपभोक्ताहरूलाई तीन दिने नेतृत्व विकास तालिम प्रदान गरेको छ ।

May be an image of text

ज्येष्ठ ५ गते शुक्रबार देखि सुरु भएको तालिममा विशेष गरि समूह व्यवस्थापन र संस्थागत विकासको बारेमा छलफल गरिएको वनका अध्यक्ष हुमकान्त सुवेदीले बताउनुभएको छ।

May be an image of 7 people, dais and text

सुबेदीका अनुसार सामुदायिक वन उपभोक्ता महासंघ नवलपुरका जिल्ला अध्यक्ष ठाकुर प्रसाद पाण्डे , सामुदायिक वन उपभोक्ता महासंघ जिल्ला कार्यालय प्रमुख खेम महतो र प्रगतिनगर खानेपानी संस्थाका अध्यक्ष खिमानन्द भुसाल लगायतका प्रशिक्षकहरूले सामाजिक न्यायका सिद्धान्तहरू, वनको ऐतिहासिक पृष्ठभूमि, वनका प्रकारहरू, वन ऐन , नीतिनियम, नियमावली र नेतृत्व विकासहरूको विषयमा प्रशिक्षण दिएका थिए।

May be an image of 8 people, dais and text

आज सम्पन्न समापन कार्यक्रममा बोल्ने वक्ताहरूले तालिममा सिकेका कुराहरूलाई आवश्यकताको आधारमा व्यवहारमा लागू गर्दै वनजंगलको संरक्षण र सम्वर्द्धनमा सबै एकजुट हुन आग्रह गरेका थिए।

May be an image of 8 people, temple and text

कार्यक्रमका प्रमुख अतिथि देवचुली नगरपालिकाका प्रवक्ता एवम् देवचुली ११ का वडाध्यक्ष तिल प्रसाद काफ्लेले स्थानीय महिला उपभोक्ताहरूका लागि पनि समूहले अन्य विभिन्न किसिमका तालिमहरू सञ्चालन गर्न सके महिलाहरूमा आयआर्जन र उद्यमशीलताको विकास हुने बताएका थिए।

प्रकाशित मिति: आइतबार, जेठ ७, २०८० १९:५७