देवचुलीको स्तरीकृत परीक्षा : सामुदायिक तर्फ मनकामना र संस्थागत तर्फ दिव्य अगाडि

देवचुली

गृहपृष्ठ
देवचुली

देवचुलीको स्तरीकृत परीक्षा : सामुदायिक तर्फ मनकामना र संस्थागत तर्फ दिव्य अगाडि

राजन थकाली मंगलबार, वैशाख ५, २०८०

देवचुली
देवचुली नगरपालिकाको कक्षा ५ को स्तरीकृत परीक्षामा सामुदायिक तर्फ मनकामना आधारभूत विद्यालय देवचुली ९ र संस्थागत तर्फ दिव्य एकेडेमी देवचुली १ उत्कृष्ट हुन सफल भएको छ। परीक्षामा देवचुली नगरपालिकाको ३४ विद्यालयका १ हजार ३ सय १ जना विद्यार्थीहरू सहभागी भएका थिए।

नगर भित्रको ९ संस्थागत र २५ सामुदायिक विद्यालयको सहभागिता रहेको परीक्षामा तुलनात्मक रुपमा उत्कृष्ट प्रतिशत ल्याउँदै संस्थागत तर्फ दिव्य एकेडेमी देवचुली १ प्रथम , न्यु नबल इङ्गलिस बोर्डिङ स्कुल देवचुली १० द्वितीय र भृकुटी इङ्गलिस बोर्डिङ स्कुल देवचुली ११ तृतीय भएका छन्। यस्तै सामुदायिक तर्फ मनकामना आधारभूत विद्यालय देवचुली ९ प्रथम , नव नेपाल आधारभूत विद्यालय देवचुली १० द्वितीय र नारायणी आधारभूत विद्यालय देवचुली १५ तृतीय भएका छन्।

No description available.

यो सँगै नगरपालिकाको शिक्षा शाखाको तथ्यांक अनुसार विषयगत रुपमा हेर्दा नेपाली विषयमा नारायणी आधारभूत विद्यालय देवचुली १५ ले ७५.५ प्रतिशत , गणितमा मनकामना आधारभूत विद्यालय देवचुली ९ ले ५३.१ प्रतिशत , अङ्ग्रेजीमा नारायणी आधारभूत विद्यालय देवचुली १५ ले ७६.८ प्रतिशत , विज्ञानमा दिव्यज्योति आधारभूत विद्यालय देवचुली १२ ले ४८. ९ प्रतिशत र सामाजिक विषयमा जनज्योति माध्यमिक विद्यालय देवचुली १५ ले ५५.५ प्रतिशत ल्याएको छ।

प्रकाशित मिति: मंगलबार, वैशाख ५, २०८० २१:२२