देवचुली डाँडामा फहराइयो राष्ट्रिय झण्डा

देवचुली

गृहपृष्ठ
देवचुली

देवचुली डाँडामा फहराइयो राष्ट्रिय झण्डा

एलिना केसी आइतबार, चैत १२, २०७९

देवचुली,

नवलपुर जिल्लाको पर्यटकीय एवम् १ हजार ९ सय ३६ मिटरको सबैभन्दा अग्लो डाँडा देवचुली डाँडामा नेपालको राष्ट्रिय झण्डा फहराइएको छ। देवचुलीका सामाजिक अभियन्ता वसन्त घर्तिको विशेष सहयोग तथा युवाहरू प्रेम भट्ट, सुवास काफ्ले र आशिष खनालको सहकार्यमा २० फुट अग्लो नेपालको झण्डा देवचुली डाँडामा फहराइएको हो। No description available.

महाभारत पर्वत शृङ्खला अन्तर्गत सबै भन्दा अग्लो देवचुली डाँडालाई नेपालकै उत्कृष्ट पर्यटकीय क्षेत्र निर्माण गरी यस क्षेत्रमा पर्यटन व्यवसायलाई थप प्रवर्द्धन गर्न मद्दत पुर्याउने उद्देश्यका साथ झन्डोत्तोलन गरिएको प्रेम भट्ट बताउनुभयो ।

भट्टका अनुसार डाँडामा ५२ इन्च चौडाइ र ९० इन्च लम्बाइ सहितको राष्ट्रिय झण्डा फहराइएको हो। जिल्लाकै सबैभन्दा अग्लो डाँडाका रूपमा रहेको देवचुलीमा अहिले दैनिक आन्तरिक पर्यटकहरू पुग्ने गरेका छन् । No description available.

पछिल्लो समय देवचुली डाँडा पैदलयात्रामा रुचि हुनेहरूको रोजाइमा पर्न थालेको छ । डाँडाबाट दक्षिण क्षेत्रमा चितवन राष्ट्रिय निकुञ्ज तथा भारतको बिहार, उत्तरतर्फ सेताम्मे हिमाल , वरपरका मगर बस्ती र अविरल बगिरहेको नारायणी नदीको दृश्यावलोकन गर्न आन्तरिक पर्यटकहरूको घुँइचो लाग्ने गरेको छ । No description available.