मुण्डे देखि कुमसोत अटो चल्नुपर्ने भन्दै स्थानीयको शान्तिपूर्ण आन्दोलन

देवचुली

गृहपृष्ठ
देवचुली

मुण्डे देखि कुमसोत अटो चल्नुपर्ने भन्दै स्थानीयको शान्तिपूर्ण आन्दोलन

एलिना केसी सोमबार, कात्तिक २८, २०७९

देवचुली,

गत असोज २२ गते देवचुलीको कुमसोतबाट दलदले आउने क्रममा अटो दुर्घटनामा परेपछि ८ जना घाइते भए । उक्त घटना भए लगत्तै मुण्डे देखि कुमसोत जाने अटो व्यवसायहरुलाई जिल्ला प्रशासन कार्यालय, जिल्ला प्रहरी कार्यालय नवलपुरले सञ्चालनमा रोक लगाएको थियो । अटो सञ्चालनमा रोक लगाए पछि मुण्डे देखि कुमसोत जाने यात्रुलाई सास्ती भएपछि अटो चल्नुपर्ने भन्दै स्थानीयले शान्तिपूर्ण आन्दोलन गरेका छन् । सोमबार देवचुली नगरपालिकाको मुण्डेमा स्थानीयले आन्दोलन गरेका थिए । No description available. स्थानीय तुलसी बराल मगरले अहिले मुण्डे किर्तीपुर, कुमसोतमा अटो नचल्दा आँफूहरुलाई निकै सास्ती व्यहोर्नु परेको बताएकी छिन् । उनले भनिन्, अचानक घरमा कोही बिरामी परेर अस्पताल हिँड्नु पर्याे भने, साधन हुँदैन् एकजना व्यक्तिको लागि गाडी आउँदैन । अटोले एकजना मात्रै भएपनि बोलाउने बित्तिकै आउँछ्, अटो नै चल्न नदिए हामी कसरी यत्रो बाटो ओहोरदोहोर गर्ने बताईन् । अटो सञ्चालन हुँदा बजार आउन जान सजिलो हुन्थ्यो । अहिले अटो सञ्चालनमा नआउँदा बजार खाद्यन्न लिन आउन पनि समस्या हुने गरेको स्थानीय सिर्जना सोमै मगर बताउँछिन् । मुण्डे देखि कुमसोत सम्म अटो सञ्चालनमा रोक नलगाउन प्रशासनलाई समेत अनुरोध गरेकी छन् । सिट क्षमता अनुसार अटोमा बस्नुपर्छ भने पनि हामी तयार छौँ तर यसरी अटो सञ्चालनमा नै रोक लगाउन भने नहुने उनी बताउँछिन् । No description available.
यता अटो व्यवसायी भने अटो सञ्चालन गर्न पाउनु पर्ने माग राखेका छन् । एकदिन भएको घटनालाई लिएर सधैंभरि अटो सञ्चालनमा रोक लगाउनु नै समस्याको समाधान नहुने देवचुली अटो व्यवसाय संघका अध्यक्ष धन बहादुर वि.क बताउँछन् । उनले अटो व्यवसायीहरुले पनि सिट क्षमता अनुसार मात्रै मान्छे राखनुपर्ने कुरामा अटो वयवसायी सहमति भएको बताउँदै अब दैनिक रुपमा मुण्डे देखि कुमसोत अटो सञ्चालन गर्न पाउनुपर्ने बताएका हुन्् । देवचुली अटो व्यवसाय संघमा रहेका करिब ७० देखि ८० अटोहरुले दैनिक रुपमा यात्रुहरुलाई सेवा दिइरहेका छन् ।
उक्त विषयमा बोल्दै निर्वाचनका लागि खटिएका प्रहरी निरिक्षक प्रशन्न चौधरीले स्थानीयको मागलाई सम्बोधन गर्दै तत्कालका लागि प्रशासनले दिएको निर्णयलाई यथोचित राख्ने र निर्वाचन लगत्तै यस समस्यालाई समाधान गर्ने बताएका थिए । No description available.