लक्ष्मीनारायण वनवाटिकाको दशौँ साधारण सभा सम्पन्न

देवचुली

गृहपृष्ठ
देवचुली

लक्ष्मीनारायण वनवाटिकाको दशौँ साधारण सभा सम्पन्न

आदर्श सुशिल आइतबार, कात्तिक ३०, २०८२

देवचुली

नवलपुरको देवचुली नगरपालिका वडा नम्बर १६ मा रहेको लक्ष्मीनारायण वनबाटिकाको दशौँ साधारण सभा सम्पन्न भएको छ। साधारण सभाको अध्यक्षताका वन बाटिकाका अध्यक्ष मोहनीलाल काफ्लेले गर्नुभएको थियो। कार्यक्रममा देवचुली नगरपालिकाका नगरप्रमुख हरिप्रसाद न्यौपानेको प्रमुख आतिथ्यता रहेको थियो।

कार्यक्रममा बोल्दै प्रमुख अतिथि न्यौपानेले देवचुली नगरपालिकाले धर्म, संस्कृति, परम्परा र रितिरिवाज संरक्षणका लागि विभिन्न योजनाहरू बनाएर कार्यक्रम गरिरहेकाले वनबाटिकाको विकासका लागि नगरपालिका सकारात्मक रहेको धारणा व्यक्त गर्नुभयो। साधारण सभामा गङ्गा माता मन्दिर व्यवस्थापन समितिका अध्यक्ष चन्द्रप्रसाद तिवारी, सामुदायिक प्राकृतिक चिकित्सालयका अध्यक्ष सन्तबहादुर क्षेत्री लगायतले शुभकामना मन्तव्य राख्नुभएको थियो। साधारण सभा कार्यक्रममा वनबाटिकाको अक्षयकोष संकलनकर्तालाई कदरपत्र वितरण गरिएको थियो।

यसैगरी वनवाटिकाका आजीवन सदस्यहरूलाई समेत प्रमाणपत्र वितरण गरिएको थियो। कार्यक्रममा लक्ष्मीनारायण वनवाटिका परिसरमा नारायण केसीको व्यक्तिगत खर्चमा बनिरहेको शनिदेवको मन्दिरमा मूर्ति राखिने, भगवान विष्णुको बुढानीलकण्ठ मूर्तिमा जल चढाएर स्नान गर्न मिल्ने सुविधा थप गरिने, स्थानीय समाजसेवीको भोजेन्द्र रायमाझीको सहयोगमा हनुमानको मूर्ति र मन्दिर व्यवस्थापन समितिको सहयोगमा राम सीताको मूर्ति राखिने भावी योजना तय गरिएको लक्ष्मीनारायण वनवाटिकाका लेखा सदस्य तथा प्रचारप्रसार संयोजक मोतीराम पाण्डेले जानकारी दिनुभयो।

साधारण सभा कार्यक्रमको सहजीकरण वनबाटिकाका सचिव सुदर्शन लामिछानेले गर्नुभएको थियो।

प्रकाशित मिति: आइतबार, कात्तिक ३०, २०८२ १८:३४