चित्रकला प्रतियोगितामा विश्वज्योतिकी कृतिमा प्रथम

देवचुली

गृहपृष्ठ
देवचुली

चित्रकला प्रतियोगितामा विश्वज्योतिकी कृतिमा प्रथम

आदर्श सुशिल बुधबार, भदौ १८, २०८२

पाेखरा, भदाै–१८,

नवलपुरको देवचुली नगरपालिकामा रहेको विश्वज्योति माध्यमिक विद्यालयकी कृतिमा न्यौपाने चित्रकला प्रतियोगितामा प्रथम भएकी छिन्। कसमस एजुकेसन ट्रेनिङ एन्ड रिसर्च सेन्टर काठमाडौँले आयोजना गरेको गण्डकी प्रदेश स्तरीय रङ्ग तथा चित्रकला प्रतियोगितामा कृतिमा प्रदेशभरिबाट उत्कृष्ट हुँदै प्रथम हुन सफल भएकी हुन्। विभिन्न समूह चरणमा कक्षा एलकेजीदेखि कक्षा ५ सम्मको प्रतियोगितामा उनी कक्षा ४ अन्तर्गत प्रदेशभरिबाट प्रथम भएकी हुन् । उनले सो प्रतियोगितामा सम्मिलित अन्य ८९ वटा विद्यालयका प्रतिस्पर्धीलाई पछि पार्दै सर्वोत्कृष्ट भई शिल्ड, प्रमाणपत्रका साथमा नगद पुरस्कार समेत प्राप्त गरिन्। प्रतियोगितामा कृतिमाले नगद १५ हजार प्राप्त गरेकी थिइन्। कसमसको चित्रकला प्रतियोगितामा प्रदेश प्रथम भएकी कृतिमा न्यौपानेलाई विश्वज्योति माध्यमिक विद्यालयले बुधबार विद्यालयमा सम्मान समेत गर्यो। विद्यालयले कृतिमासहित सो प्रतियोगितामा सम्मिलित विद्यार्थीहरूलाई सम्मान गरेको हो।

चित्रकला प्रतियोगितामा कृतिमाले नेपालको ग्रामीण परिवेश झल्कने चित्र बनाएकी थिइन्। जसमा नेपाली परम्परागत घर, मन्दिर, खानेपानीको धारा र करेसाबारी देखाइएको थियो ।