पृथ्वी मावि कृषिका विद्यार्थीले हिलो खेल्दै रोपे धान

देवचुली

गृहपृष्ठ
देवचुली

पृथ्वी मावि कृषिका विद्यार्थीले हिलो खेल्दै रोपे धान

आदर्श सुशिल शुक्रबार, असार १३, २०८२

देवचुली, असार-१३

कृषि विषय अध्ययन अध्यापन हुने देवचुली नगरपालिकाको एकमात्रै विद्यालय पृथ्वी माध्यमिक विद्यालयका विद्यार्थीहरूले अध्ययनको प्रयोगात्मक शिक्षण सिकाई अनुसार शुक्रबार धान रोपाई गरेका छन् । हरेक वर्ष जस्तै यस वर्ष पनि विद्यालयले आँफैले राखेको ब्याडमा उमारिएको बिउलाई विद्यार्थीहरूले विद्यालयले लिजमा लिएको खेतमा रोपाइ गरेका हुन्। हरेक वर्ष हातले मात्रै रोपाइ गर्दै आएका पृथ्वी माविका विद्यार्थीहरूले यस वर्ष भने धान रोप्ने मेसिनको समेत सहायतामा रोपाइ गरेका छन् । विद्यार्थीहरूलाई कृषिमा आधुनिकीकरणको उदाहरण पेश गर्दै विद्यालयले यस वर्ष मेसिनको सहायताले धान रोपाइको अभ्यास गरेको विद्यालयका प्रधानाध्यापक रणबहादुर आलेले जानकारी दिनुभयो । साथै विद्यार्थीहरुले खेतमा हिलो खेल्दै परम्परागत ढंगले समेत रोपाइ गरेका छन् । रोपाई कार्यक्रममा कृषि अन्तर्गत बालविज्ञान विषय अध्ययन गरेका विद्यार्थीहरूको सक्रिय सहभागिता रहेको पृथ्वी माध्यमिक विद्यालयका शिक्षक शिवहरी अधिकारीले जानकारी दिनुभयो । धान रोपाइको सुरुवात प्रधानाध्यापक रनबहादुर आलेले गर्नुभएको थियो।

505915417_750233174340930_4862882924327359979_n-1751031824.jpg
506892226_1051208616983381_3919510641217978503_n-1751031828.jpg

पृथ्वी माध्यमिक विद्यालयमा कृषितर्फको बालविज्ञान विषय कक्षा ९ देखि १२ सम्म अध्ययन अध्यापन हुने गरेको छ। विद्यालयले विसं २०७१ सालबाट कृषि विषयको अध्यापन सुरु गरेको प्रधानाध्यापक आलेले जानकारी दिनुभयो । प्रयोगात्मक सिकाइका क्रममा विद्यार्थीहरूले धानको बिउको गुणस्तरीयता, रोपाइ गर्दा ध्यान दिनुपर्ने कुराहरु, खेतमा धानको पाजोहरूको फरकपन र खेत हिल्याउँदा पानीको मात्रा र हिलोको अवस्थाका बारेमा सिकेका थिए । पृथ्वी माध्यमिक विद्यालयले कृषि अन्तर्गत बालविज्ञान अध्ययन गर्ने विद्यार्थीहरूलाई प्रयोगात्मक शिक्षामा जोड दिँदै आइरहेको छ।

504532519_1051641323805210_4906704001360124854_n-1751031822.jpg
496626269_709459381714283_6801718953779234509_n-1751031828.jpg
496625188_659061893828022_9035535950900487056_n-1751031822.jpg