देवचुली उद्योग वाणिज्य संघको अध्यक्षमा सत्यनारायण भुसाल

देवचुली

गृहपृष्ठ
देवचुली

देवचुली उद्योग वाणिज्य संघको अध्यक्षमा सत्यनारायण भुसाल

आदर्श सुशिल शनिबार, जेठ २४, २०८२

देवचुली, जेठ–२४
देवचुली उद्योग वाणिज्य संघको नवौँ साधारण सभा तथा चौथो अधिवेशन सम्पन्न भएको छ। अधिवेशनले नयाँ कार्यसमिति चयन गर्दै संघको जिम्मेवारी हस्तान्तरण गरेको छ । उक्त अधिवेशनबाट निर्वाचित कार्यसमितिको अध्यक्षमा सत्यनारायण भुसाल चयन हुनुभएको छ। वरिष्ठ उपाध्यक्षमा विनोद सिलवाल, उद्योग उपाध्यक्षमा हरिप्रसाद पाठक, वाणिज्य उपाध्यक्षमा जयराम श्रेष्ठ, महासचिवमा तिलादेवी अर्याल, सचिवमा जनक आचार्य तथा कोषाध्यक्षमा पिताम्बर अर्याल निर्वाचित हुनुभएको छ। यसैगरी, अधिवेशनबाट १६ जना सदस्य र १ जना एसोसिएट सदस्य पनि चयन गरिएको छ।

504290353_2860949600960891_8786662179718456674_n-1749279060.jpg

संघको लेखा समिति संयोजकमा भोजराज ज्ञवाली रहनुभएको छ भने सदस्यहरूमा पुष्पराज लामिछाने र ढुण्डिराज केसी चयन हुनुभएको छ।

निर्वाचन प्रक्रिया निष्पक्ष, मर्यादित र सफलतापूर्वक सम्पन्न गर्न निर्वाचन समितिको संयोजकको रूपमा चन्द्रकान्त बस्याल तथा सदस्यहरुमा इन्द्रमणि भुसाल र गीता कुमारी रिजाल न्यौपानेले महत्वपूर्ण भूमिका निर्वाह गर्नुभएको थियो।

देवचुली उद्योग वाणिज्य संघले स्थानीय उद्यमशीलता प्रवर्द्धन, व्यापार वातावरण सुदृढीकरण र आर्थिक समृद्धिको मार्गचित्र निर्माणमा दीर्घकालीन योगदान पुर्‍याउँदै आएको छ। नवगठित कार्यसमितिसँगै संघले आगामी दिनहरूमा अझ प्रभावकारी तथा समावेशी पहलहरू अघि बढाउने अपेक्षा गरिएको छ।

प्रकाशित मिति: शनिबार, जेठ २४, २०८२ १२:३६