राधाकृष्ण मन्दिरले गर्‍यो ज्येष्ठ नागरिकलाई सम्मान

देवचुली

गृहपृष्ठ
देवचुली

राधाकृष्ण मन्दिरले गर्‍यो ज्येष्ठ नागरिकलाई सम्मान

आदर्श सुशिल बुधबार, वैशाख १७, २०८२

देवचुली, बैशाख–१७
अक्षय तृतीयाको पावन अवसर पारी देवचुली नगरपालिका वडा नम्बर ७ मा रहेको राधाकृष्ण मन्दिर संरक्षण समितिले ज्येष्ठ नागरिकहरुलाई सम्मान गरेको छ। मन्दिर संरक्षण समितिले मन्दिर परिसर वरपर रहेका ८० वर्षमाथिका १५ जना ज्येष्ठ नागरिकहरूलाई सम्मान गरेको हो। समितिले ज्येष्ठ नागरिकहरूलाई दोसल्ला ओडाई नगदसहित सम्मान गरेको हो। सो अवसरमा ज्येष्ठ नागरिकहरुलाई सर्वत पानी र फलफूल समेत खुवाइएको थियो। मन्दिर क्षेत्र वरिपरि रहेका ज्येष्ठ नागरिकहरूलाई समाजमा पुर्‍याएको योगदानको कदर गर्दै सम्मान गरिएको राधाकृष्ण मन्दिर संरक्षण समितिका अध्यक्ष धनलाल भुसालले जानकारी दिनुभयो। सम्मान ग्रहण गरेपछि ज्येष्ठ नागरिकहरूले मन्दिर समितिले आँफूहरूप्रति देखाएको सदासयताप्रति समितिलाई कृतज्ञता व्यक्त गर्नुभएको थियो। मन्दिर संरक्षण समितिले बिहान ११ बजेबाट दिउँसो ३ बजेसम्म अखण्ड कीर्तनको समेत आयोजना गरेको थियो। ज्येष्ठ नागरिक सम्मान कार्यक्रमको सहजीकरण कालिका माध्यमिक विद्यालयका प्रधानाध्यापक नवराज घिमिरेले गर्नुभएको थियो। सम्मान कार्यक्रममा ज्येष्ठ नागरिक, स्थानीय बुद्धिजीवी, मन्दिर संरक्षण समितिका पदाधिकारी लगायतको उपस्थिति रहेको थियो।

प्रकाशित मिति: बुधबार, वैशाख १७, २०८२ १७:५०