नयाँ वर्ष २०८२ को पावन अवसरमा नारायणी दिव्यधाममा भव्य धार्मिक अनुष्ठान हुने

देवचुली

गृहपृष्ठ
देवचुली

नयाँ वर्ष २०८२ को पावन अवसरमा नारायणी दिव्यधाममा भव्य धार्मिक अनुष्ठान हुने

हेर्नेपाटी बिहीबार, चैत २८, २०८१

नयाँ वर्ष २०८२ सालको यस पावन अवसरमा देवचुली नगरपालिका–१, केउरानी, नवलपुरस्थित नारायणी दिव्यधाम परिसरमा लघुरुद्र, पुटक पाठ, स्वस्तिशान्ति तथा ब्राह्मणहरुदारा विशेष पूजाआराधनाको व्यवस्था गरिएको मन्दिर व्यवस्थापन समितिले जनाएको छ।

488553935_1023348659676446_4698414437395797610_n-1744278624.jpg
यससँगै, पछिल्लो समय धार्मिक पर्यटनको गन्तव्यका रूपमा उभिइरहेको नारायणी दिव्यधाममा शुद्ध साकाहारी भोजनालय, साथै जन्मदेखि मृत्युसम्म आवश्यक सबै पूजा सामग्रीहरूको व्यवस्थापन तथा सुविधाले गर्दा दिव्यधाम क्षेत्रमा दिनप्रतिदिन भक्तजनहरूको चहलपहल उल्लेखनीय रूपमा बढ्दै गएको छ, जसले यस स्थललाई एक समृद्ध धार्मिक केन्द्रका रूपमा स्थापित गर्दै लगेको छ।
धार्मिक, आध्यात्मिक र सांस्कृतिक महत्व बोकेको यो दिव्य स्थलमा सहभागी भई पुण्य लाभ लिन सम्पूर्ण भक्तजनहरूलाई नारायणी दिव्यधाम पुजा सामाग्री तथा भोजनालयका संचालक विश्वास काफ्लेले अनुरोध गरे।