जनज्योति माध्यमिक विद्यालयले दिप प्रज्वलन गरि मनायो प्रजातन्त्र दिवस

देवचुली

गृहपृष्ठ
देवचुली

जनज्योति माध्यमिक विद्यालयले दिप प्रज्वलन गरि मनायो प्रजातन्त्र दिवस

सुनिता शर्मा बिहीबार, फागुन ८, २०८१

देवचुली,

देवचुली १५ मा रहेको जनज्योति माध्यमिक विद्यालयले ७५औं प्रजातन्त्र दिवस विद्यालय प्राङ्गणमा दिप प्रज्वलन गरि मनाएको छ ।

विद्यालय व्यवस्थापन समितिका अध्यक्ष बन्द्रीनाथ बसेलको अध्यक्षता, शिक्षक अभिभावक संघका अध्यक्ष प्रेम भट्ट, सदस्य दुर्गा श्रेष्ठ, विद्यालय व्यवस्थापन समिति सदस्य देवेन्द्र भट्टराई, प्रधानाध्यापक मिनबहादुर दहाल लगायतको विशेष उपस्थितिमा दिप प्रज्वलन गरिएको थियो । कार्यक्रमलाई सम्बोधन गर्नुहुँदै विद्यालय व्यवस्थापन समितिका अध्यक्ष बन्द्रीनाथ बसेलले प्रजातन्त्रको महत्व, त्यसको प्राप्तिमा भएका संघर्षहरू र वर्तमान पुस्ताले प्रजातान्त्रिक मूल्यहरू संरक्षण गर्नुपर्ने आवश्यकता बारे चर्चा गर्नु भएको थियो ।

481119457_2045470905880886_9194946520381415456_n-1740046169.jpg
सो अवसरमा दिप प्रज्जलन तथा प्रजातन्त्रको महत्व र आवश्यकताको बारेमा अन्तरक्रिया समेत गरिएको थियो । कार्यक्रममा प्रधानाध्यापक मिनबहादुर दहालले प्रजातन्त्रको जग बलियो बनाउन शिक्षा अनिवार्य रहेको भन्दै विद्यार्थीहरूलाई सचेत नागरिक बन्न प्रेरित गर्नुपर्ने बताउनु भएको थियो साथै वहाँले प्रजातन्त्रको उपलब्धिले हामी नेपालीहरु स्वतन्त्र भएको महसुस गर्न मात्र हैन त्यसको व्यवहारिक ज्ञान दिलाउन पनि विद्यालयमा प्रजातन्त्र दिवस बिशेष कार्यक्रम मनाईएको बताउनभयो ।
कार्यक्रममा बिधार्थी,अभिभावक तथा शिक्षकहरुले प्रजातन्त्रको महत्वको बारे आफ्नो बिचार राख्नु भएको थियो । विद्यालय परिवारले राष्ट्रिय एकता, स्वतन्त्रता र समावेशिताको संकल्प गर्दै दिवसको समापन गरेको थियो ।
480546294_2045471209214189_8205795696933357929_n-1740046122.jpg