प्रदेश स्तरीय महिला फुटबल प्रतियोगिता : पहिलो दिन नवलपुर र गोरखा भिड्दै

खेलकुद

गृहपृष्ठ
खेलकुद

प्रदेश स्तरीय महिला फुटबल प्रतियोगिता : पहिलो दिन नवलपुर र गोरखा भिड्दै

राजन थकाली सोमबार, जेठ २२, २०८०

देवचुली

जेठ २३ गते मङ्गलबारबाट नवलपुरमा सुरु हुने प्रदेश स्तरीय महिला फुटबल प्रतियोगिताका खेलाडीहरूलाई वरचुली मावि फारमले बिदाई गरेको छ। आज विद्यालयमा एक कार्यक्रमको आयोजना गरि विद्यालयका प्रधानाध्यापक चन्द्रदेव तिवारीले सम्पूर्ण खेलाडीहरूलाई बिदाई गरेका हुन्।

May be an image of 15 people and text

प्रधानाध्यापक तिवारीले भोलि मंगलबार देखि सुरु हुने खेलमा उत्कृष्ट प्रदर्शन गर्न शुभकामना दिँदै उपस्थित १६ जना खेलाडीहरूको साथमा टिमका प्रशिक्षक लुकास तामाङ्ग र म्यानेजर सुमन अधिकारीलाई बिदाई गरिएको हो। नवलपुरले आफ्नो पहिलो खेल मंगलबार साँझ ४ बजे गोर्खा सँग खेल्नेछ भने जित निकालेको अवस्थामा २४ गते बाग्लुङ सँग खेल्नेछ।

May be an image of text

जिल्लाले सबै खेल जितेको अवस्थामा प्रतियोगिताको अन्तिम तथा फाइनल खेल जेष्ठ २५ गते बिहीबार खेल्नेछ। प्रदेश खेलकुद परिषद गण्डकीको प्रायोजन र जिल्ला खेलकुद विकास समितिको आयोजना रहेको प्रतियोगिताको सम्पूर्ण खेल कावासोती १७ को सरस्वती माविको खेलमैदानमा हुने जिल्ला खेलकुद विकास समिति नवलपुरका अध्यक्ष सेत बहादुर पुनले बताएका छन्।

पुनका अनुसार प्रतियोगिताको विजेतालाई ५० हजार , उप विजेतालाई ३० र सेमिफाइनलमा पुगेका टिमलाई १०/१० हजार प्रदान गरिनेछ। प्रतियोगितामा नवलपुर सहित स्याङ्जा ,तनहुँ ,लमजुङ , गाेरखा र बाग्लुङ गरि ६ जिल्लाको सहभागिता रहेको छ।

प्रकाशित मिति: सोमबार, जेठ २२, २०८० १९:५१