दलदले - मुण्डे सडक खण्ड दशैं अघि मर्मत हुने , धारापानीका दिदीबहिनीले पुरे चोकको खाडल

देवचुली

गृहपृष्ठ
देवचुली

दलदले - मुण्डे सडक खण्ड दशैं अघि मर्मत हुने , धारापानीका दिदीबहिनीले पुरे चोकको खाडल

राजन थकाली बुधबार, भदौ २६, २०८१

देवचुली
दलदले - मुण्डे सडक खण्ड अन्तर्गत देवचुली ११ धारापानी चोकको सडकमा देखिएका खाडलहरू पुरिएका छन्। सुरुमा सानो रहेको खाडल वर्षाको समयमा परेको अविरल झरी सँगै ठुलो आकारमा बढ्दै गएपछि दुर्घटनाको कारण बन्दै गएको थियो।

चारै तिर जोडिएको चोकको सडकमा खाडल भएको यतिका समय सम्म सम्बन्धित निकाय मौन रहेपछि स्थानीय एकता दिदी बहिनीको सक्रियतामा मर्मत सम्भार गरिएको छ।

मर्मत कार्यको लागी पूर्ण लक्ष्मी बाला श्रेष्ठले आवश्यक सिमेन्ट , घिमिरे डेरी तथा लक्ष्मी घिमिरेले दही तथा सर्बत उपलब्ध गराएर सहयोग गरेको स्थानीय पुरुषोत्तम न्यौपानेले सामाजिक सञ्जाल मार्फत जानकारी गराएका छन्।

यसरी स्थानीय स्तरमा रहेर एकता दिदीबहिनी समुहले सामाजिक क्षेत्रमा सक्रिय रुपमा सहभागिता जनाएर सराहनीय कार्य गरेकोमा देवचुली नगरपालिका वडा न ११ का वडा अध्यक्ष तिल प्रसाद काफ्लेले उच्च प्रशंसा गर्दै धन्यवाद व्यक्त गर्नुभएको छ।

देवचुली नगरपालिकाका प्रवक्ता समेत रहनुभएका देवचुली ११ का वडा अध्यक्ष काफ्लेले दलदले मुण्डे सडकको मर्मत सम्भारका लागी बजेट बिनियोजन भइसकेको हुँदा दशैं अगावै सडक मर्मत गरिने हेर्नेपाटीलाई बताउनुभएको छ।

प्रकाशित मिति: बुधबार, भदौ २६, २०८१ २०:५८